Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
Atalǵan zań jobasyn Parlament depýtattary ázirledi.
«Bul qujat jol júrisi salasyndaǵy zańnamany jetildirýge baǵyttalǵan. Zań jobasynda Qazaqstanda berilgen júrgizýshi kýáligi jáne kólik quralyn tirkeý týraly kýálikti júrgizýshiniń ózimen birge alyp júrýge mindetteitin normalardy alyp tastaý kózdeledi. Atalǵan normalardy saqtamaǵany úshin ákimshilik jaýaptylyqty alyp tastaý usynylady», - dedi Májilis depýtaty Qanat Mýsin.
Sonymen qatar, bul túzetýler sheteldik júrgizýshiler men sheteldik kólik quraldaryna qoldanylmaidy.
Sonymen qatar, zań jobasynda jol salýshylardy jolǵa bailanysty qurylystardy aldyn ala kelisýge jáne olarǵa saraptama júrgizýge mindetteitin normalar eskerildi.
«Shyǵarylǵan ýaqyty 10 jyldan asqan avtobýstardy bastapqy memlekettik tirkeýge tyiym salý usynalady», - dedi depýtat.
