سوڭعى بٸر تەۋلٸكتە قازاقستاندا رەسەيلٸكتەردٸڭ جەكە سەيكەستەندٸرۋ نٶمٸرٸن رەسٸمدەۋ كٶرسەتكٸشٸ كٷرت ارتقان. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ ەسەت تۇرىسوۆ ايتتى, دەپ حابارلايدى قازاقپارات.
«قازٸرگٸ كەزدە ەلٸمٸزدە رەزيدەنت ەمەس ادامدارعا جسن بەرۋ ەڭبەك شارتتارىن بەكٸتۋگە, كٶرسەتٸلگەن قىزمەتتەر ٷشٸن قاراجات الۋعا, ەكٸمشٸلٸك جازاعا تارتۋعا, سالىق ەسەپتٸلٸگٸن جٷرگٸزۋگە, سونداي-اق تٷرلٸ بانك وپەراتسييالارىن جٷرگٸزۋ ٷشٸن كەرەك. قازاقستان رەسپۋبليكاسىندا ۋاقىتشا بولاتىن شەتەلدٸكتەر مەن ازاماتتىعى جوق ادامدارعا جسن بەرۋ قىزمەتٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسى ارقىلى كٶرسەتٸلەتٸنٸن اتاپ ٶتكٸم كەلەدٸ. جسن 1 جۇمىس كٷنٸ ٸشٸندە دايىندالادى. بەيرەزيدەنتتٸڭ قولىندا پاسپورت بولۋى قاجەت, ونىڭ ٶكٸلٸ جٷگٸنگەن جاعدايدا نوتاريالدى كۋەلاندىرىلعان سەنٸمحات قاجەت», - دەدٸ ەسەت تۇرىسوۆ ورتالىق كوممۋنيكاتسييالار قىزمەتٸندە.
وسى ورايدا ول سوڭعى كٷندەرٸ قازاقستانعا كەلٸپ جاتقان رەسەي ازاماتتارىنىڭ سانى ارتقانىن ەسكە سالدى. رف ازاماتتارى بەيرەزيدەنتكە ارنالعان جسن الۋ ٷشٸن جاپپاي حقكو-عا بارىپ جاتىر. سونىڭ سالدارىنان حقكو-لارعا جٷكتەمەنٸڭ ارتقانى بايقالىپ وتىر.
«قازٸرگٸ ۋاقىتتا جسن الۋ ٷشٸن كەلگەن رەسەيلٸكتەردٸڭ باسىم بٶلٸگٸ استانا مەن الماتىدا جەنە شەكارالاس قالالاردا كٶپ بايقالعان. كەشە عانا ەلٸمٸز بويىنشا 13 مىڭنان استام ٶتٸنٸم قابىلداندى. وسىعان دەيٸن شامامەن مۇنداي كٶرسەتكٸشتەگٸ ٶتٸنٸمدٸ بٸر اي بويى قابىلدايتىنبىز», - دەدٸ ۆيتسە-مينيستر.
بۇعان دەيٸن شەتەلدٸك ازاماتتارعا قىزمەت كٶرسەتۋ ٷشٸن تسدياٶم استانا مەن الماتىدا, سونداي-اق قوستاناي, باتىس قازاقستان, سولتٷستٸك قازاقستان, پاۆلودار, اقتٶبە جەنە اقمولا وبلىستارىندا جەكەلەگەن حقكو-لار جۇمىسىن كٷشەيتۋ تۋرالى شەشٸم قابىلداعانى ايتىلعان ەدٸ.
