فوتو: pexels.com
قازاقستاندا جەمقور شەنەۋنٸكتەردەن تەركٸلەنگەن قاراجات سوماسى اتالدى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اسحات جۇماعالي پرەزيدەنت قاسىم-جومارت توقاەۆقا بەرگەن ەسەبٸندە ايتتى.
اقوردا مەلٸمەتٸنشە, قاسىم-جومارت توقاەۆقا جوعارى لاۋازىمدى تۇلعالاردىڭ قاتىسى بار قىلمىستاردىڭ جولىن كەسۋ جۇمىستارى جالعاسىپ جاتقانى جٶنٸندە مەلٸمەت بەرٸلدٸ.
اسحات جۇماعاليدٸڭ ايتۋىنشا, ۆەدومستۆو 2022 جىلدان باستاپ مەملەكەت پەن كۆازيمەملەكەتتٸك سەكتور سۋبەكتٸلەرٸنە 1 تريلليون 90 ميلليارد تەڭگە سوماسىندا مٷلٸكتٸك اكتيۆتەر مەن قاراجاتتىڭ قايتارىلۋىن قامتاماسىز ەتكەن. بٸلٸم بەرۋ ينفراقۇرىلىمىن قولداۋ قورىنا 153,3 ميلليارد تەڭگە اۋدارىلعان. وسى قارجىعا قازٸردٸڭ ٶزٸندە 50-دەن استام مەكتەپ اشىلعان. سونداي-اق تاعى 30 بٸلٸم وشاعىن سالۋ جوسپارلانعان.
مەملەكەت باسشىسىنا بۇعان دەيٸن بەرگەن تاپسىرمالارىنىڭ ورىندالۋ بارىسى تۋرالى باياندالدى.
اتاپ ايتقاندا, اگەنتتٸك ۇلتتىق بانكپەن جەنە قارجى مينيسترلٸگٸمەن بٸرلەسٸپ, "تسيفرلىق تەڭگە" پلاتفورماسى ارقىلى جٷزەگە اسىراتىن "اقشانى بوياۋ" جوباسىن ٸسكە قوستى. اسحات جۇماعالي پرەزيدەنت جولداۋىندا جٷكتەگەن مٸندەتتەرگە ساي جول قۇرىلىسى مەن اۋىل شارۋاشىلىعى سالالارىندا سىبايلاس جەمقورلىقتى جويۋ جۇمىستارى جٷرگٸزٸلٸپ جاتقانىن ايتتى.
سونىمەن قاتار "جايلى مەكتەپ" ۇلتتىق جوباسىنا مونيتورينگ جاسالىپ جاتىر. تەكسەرۋ بارىسىندا قاراجاتتى تيٸمسٸز پايدالانۋعا جەنە نىسانداردى تاپسىرۋ ۋاقىتىن كەشٸكتٸرۋگە سەبەپ بولاتىن سىبايلاس جەمقورلىق تەۋەكەلدەرٸ تالدانادى.
بۇدان بٶلەك, قاسىم-جومارت توقاەۆقا پەداگوگتەردٸڭ ەڭبەكاقى قورىنان ميللياردتاعان قارجى جىمقىرۋعا جول بەرگەن سىبايلاس جەمقورلىق فاكتورلارىن جويۋ شارالارى تۋرالى ايتىلدى. بيىل اگەنتتٸكتٸڭ باستاماسىمەن بيۋدجەت پروتسەستەرٸن اۆتوماتتاندىرۋعا, قازىناشىلىقتى بٸلٸم بەرۋ مەكەمەلەرٸنٸڭ ەسەپ جٷيەلەرٸمەن ينتەگراتسييالاۋعا, تٶلەم قۇجاتتارىنا قول قويۋ كەزٸندە بيومەترييانى پايدالانۋعا باعىتتالعان تسيفرلىق شەشٸمدەر ەنگٸزٸلدٸ.
پرەزيدەنتكە حالىقارالىق قاتىناستار, كادر ساياساتى, نورماتيۆتٸك-قۇقىقتىق اكتٸلەر ەزٸرلەۋ پروتسەسٸ سەكٸلدٸ ۆەدومستۆونىڭ باسقا دا باستى باعىتتارى بويىنشا اتقارىلعان جۇمىستار تۋرالى اقپارات بەرٸلدٸ.
كەزدەسۋ سوڭىندا مەملەكەت باسشىسى ەلٸمٸزدەگٸ سىبايلاس جەمقورلىقپەن كٷرەستٸ كٷشەيتۋ جٶنٸندە بٸرقاتار تاپسىرما بەردٸ.
