قازاقستاندا جاڭادان ەكٸ اگەنتتٸك قۇرىلدى – پرەزيدەنت جارلىعى شىقتى

مەملەكەت باسشىسى قاسىم-جومارت توقاەۆتىڭ جارلىعىمەن قازاقستاندا ستراتەگييالىق جوسپارلاۋ جەنە رەفورمالار اگەنتتٸگٸ, سونداي-اق بەسەكەلەستٸكتٸ قورعاۋ جەنە دامىتۋ اگەنتتٸگٸ قۇرىلدى, دەپ حابارلايدى "ۇلت اقپارات" اقورداعا سٸلتەمە جاساپ.

قازاقستان رەسپۋبليكاسىنىڭ مەملەكەتتٸك باسقارۋ جٷيەسٸن ودان ەرٸ جەتٸلدٸرۋ جٶنٸندەگٸ شارالار تۋرالى

قازاقستان رەسپۋبليكاسى كونستيتۋتسيياسىنىڭ 44-بابىنىڭ 5) تارماقشاسىنا سەيكەس مەملەكەتتٸك باسقارۋ جٷيەسٸن جاڭعىرتۋ جەنە ونىڭ تيٸمدٸلٸگٸن ارتتىرۋ ماقساتىندا قاۋلى ەتەمٸن:

1. مىنالار: 

1) قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸ قۇرىلسىن, وعان ستراتەگييالىق جوسپارلاۋ جەنە مەملەكەتتٸك ستاتيستيكالىق قىزمەت سالالارىنداعى قازاقستان رەسپۋبليكاسى ۇلتتىق ەكونوميكا مينيسترلٸگٸنٸڭ فۋنكتسييالارى مەن ٶكٸلەتتٸكتەرٸ بەرٸلە وتىرىپ, مىناداي: 

رەفورمالاردى جٷزەگە اسىرۋ تەسٸلدەرٸن, رەفورمالاردى جٷزەگە اسىرۋعا قاجەتتٸ, سونداي-اق ولاردىڭ ٸسكە اسىرىلۋ بارىسىن مونيتورينگتەۋ مەن باعالاۋ بويىنشا نورماتيۆتٸك قۇقىقتىق اكتٸلەر جوبالارىن ەزٸرلەۋ;

مەملەكەتتٸك جوسپارلاۋ جٷيەسٸنٸڭ قۇجاتتارىن دايىنداۋ كەزٸندە, سونداي-اق ولاردى كەلٸسۋ, ٸسكە اسىرۋ بارىسىن مونيتورينگتەۋ مەن باعالاۋ بويىنشا مەملەكەتتٸك ورگانداردىڭ جەنە كۆازيمەملەكەتتٸك سەكتور سۋبەكتٸلەرٸنٸڭ قىزمەتٸن ٷيلەستٸرۋ;

مەملەكەتتٸك ورگانداردىڭ مەملەكەتتٸك باسقارۋ جٷيەسٸن جەتٸلدٸرۋگە باعىتتالعان ۇسىنىستارىن كەلٸسۋ;

ەلدٸڭ دامۋى مەن حالىقارالىق احۋالدى ستراتەگييالىق بولجامداۋ مەن تالداۋ جٷرگٸزۋ;

ۆەدومستۆولىق ستاتيستيكا سالاسىنداعى جۇمىستى ٷيلەستٸرۋ;

ورتالىق مەملەكەتتٸك ورگاندار جەنە وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگٸلٸكتٸ اتقارۋشى ورگاندارى قىزمەتٸنٸڭ تيٸمدٸلٸگٸنە جىل سايىنعى باعالاۋ جٷرگٸزۋ بويىنشا جۇمىستاردى ٷيلەستٸرۋ جٶنٸندەگٸ فۋنكتسييالار مەن ٶكٸلەتتٸكتەر بەرٸلسٸن;

2) قازاقستان رەسپۋبليكاسىنىڭ بەسەكەلەستٸكتٸ قورعاۋ جەنە دامىتۋ اگەنتتٸگٸ قۇرىلسىن, وعان تيٸستٸ تاۋار نارىقتارىندا بەسەكەلەستٸكتٸ قورعاۋ جەنە مونوپوليستٸك قىزمەتتٸ شەكتەۋ, مەملەكەتتٸك مونوپولييا سالاسىنا جاتقىزىلعان قىزمەتتٸ باقىلاۋ مەن رەتتەۋ سالاسىنداعى قازاقستان رەسپۋبليكاسى ۇلتتىق ەكونوميكا مينيسترلٸگٸنٸڭ فۋنكتسييالارى مەن ٶكٸلەتتٸكتەرٸ بەرٸلسٸن.

2. قازاقستان رەسپۋبليكاسىنىڭ ٷكٸمەتٸ:

1) قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸمەن كەلٸسۋ بويىنشا مەملەكەتتٸك ورگاندار مەن ولارعا ۆەدومستۆولىق باعىنىستى ۇيىمداردىڭ شتات سانىن قايتا بٶلۋدٸ;

2) قازاقستان رەسپۋبليكاسى ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸن تيٸستٸ شتات سانىمەن بٸرگە قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸنٸڭ قاراۋىنا بەرٸپ, ونى كەيٸننەن ۇلتتىق ستاتيستيكا بيۋروسى ەتٸپ قايتا قۇرۋدى;

3) وسى جارلىقتى ٸسكە اسىرۋ بويىنشا ٶزگە دە شارالاردى قابىلداۋدى قامتاماسىز ەتسٸن.

3. قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸ مەن قازاقستان رەسپۋبليكاسىنىڭ بەسەكەلەستٸكتٸ قورعاۋ جەنە دامىتۋ اگەنتتٸگٸ بەرٸلەتٸن فۋنكتسييالار مەن ٶكٸلەتتٸكتەر شەگٸندە قازاقستان رەسپۋبليكاسى ۇلتتىق ەكونوميكا مينيسترلٸگٸنٸڭ قۇقىقتارى مەن مٸندەتتەمەلەرٸنٸڭ قۇقىقتىق ميراسقورلارى بولىپ ايقىندالسىن.

4. «قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ تۋرالى ەرەجەنٸ بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2008 جىلعى
11 ناۋرىزداعى № 552 جارلىعىنا (قازاقستان رەسپۋبليكاسىنىڭ پٷاج-ى, 2008 ج., № 12-13, 116-قۇجات) مىناداي تولىقتىرۋ ەنگٸزٸلسٸن:

جوعارىدا اتالعان جارلىقپەن بەكٸتٸلگەن قازاقستان رەسپۋبليكاسىنىڭ پرەزيدەنتٸنە تٸكەلەي باعىناتىن جەنە ەسەپ بەرەتٸن مەملەكەتتٸك ورگانداردىڭ تٸزبەسٸ:

مىناداي مازمۇنداعى جولدارمەن تولىقتىرىلسىن:

«قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸ»;

«قازاقستان رەسپۋبليكاسىنىڭ بەسەكەلەستٸكتٸ قورعاۋ جەنە دامىتۋ اگەنتتٸگٸ».

5. قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ بٸر اي مەرزٸمدە:

1) قازاقستان رەسپۋبليكاسى پرەزيدەنتٸنٸڭ قاراۋىنا:

قۇرىلعان قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار مەن قازاقستان رەسپۋبليكاسىنىڭ بەسەكەلەستٸكتٸ قورعاۋ جەنە دامىتۋ اگەنتتٸكتەرٸنٸڭ تٶراعالارىمەن بٸرلەسٸپ, قۇرىلعان اگەنتتٸكتەر مەن ولاردىڭ قۇرىلىمدارى تۋرالى ەرەجەلەردٸڭ جوبالارىن;

قازاقستان رەسپۋبليكاسىنىڭ ٷكٸمەتٸمەن بٸرلەسٸپ, قايتا ۇيىمداستىرىلاتىن مەملەكەتتٸك ورگانداردان شتات سانىن قۇرىلعان اگەنتتٸكتەرگە قايتا بٶلۋ, سونداي-اق ولاردىڭ قىزمەتكەرلەرٸنٸڭ ەڭبەگٸنە اقى تٶلەۋ جٷيەسٸ جٶنٸندە ۇسىنىستار ەنگٸزسٸن;

2) وسى جارلىقتى ٸسكە اسىرۋ بويىنشا ٶزگە دە شارالاردى قابىلداسىن.

6. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸنە جٷكتەلسٸن.

7. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.

قازاقستان رەسپۋبليكاسىنىڭ

پرەزيدەنتٸ                                                                                                 ق.توقاەۆ 

نۇر-سۇلتان, اقوردا, 2020 جىلعى 8 قىركٷيەك 

№ 407 

ەسكە سالايىق, مەملەكەت باسشىسى ق.توقاەۆ اتالمىش ەكٸ اگەنتتٸكتٸ قۇرۋ تۋرالى تاپسىرمانى ەل حالقىنا بيىلعى جولداۋىندا جٷكتەگەن بولاتىن. 

«پرەزيدەنتكە تٸكەلەي قاراستى بەسەكەلەستٸكتٸ قورعاۋ جەنە دامىتۋ جٶنٸندەگٸ اگەنتتٸك قۇرۋدى تاپسىرامىن. تەڭ بەسەكەلەستٸكتٸ دامىتۋدا ەكونوميكانى مەملەكەت يەلٸگٸنەن شىعارۋ ماڭىزدى رٶل اتقارادى. ورتالىق مەملەكەتتٸك ورگانداردىڭ, ەكٸمدٸكتەر مەن حولدينگتەردٸڭ مەنشٸگٸندە 7 مىڭعا جۋىق ۇلتتىق نىسان بار. بٸراق «مەملەكەتتٸڭ شارۋانى جاقسى جٷرگٸزە المايتىنى» اكسيوماعا اينالعان تەرٸزدٸ», - دەگەن ەدٸ پرەزيدەنت.

سونداي-اق جولداۋدى جارييالاۋ بارىسىندا ق.توقاەۆ ٸندەت پەن داعدارىس جاعدايىندا مەملەكەتتٸك باسقارۋدىڭ قازٸرگٸ جٷيەسٸ بارىنشا قارقىندى جۇمىس ٸستەپ جاتقانىنا توقتالىپ: «شۇعىل مٸندەتتەردٸ شەشۋ ۋاقىت پەن رەسۋرستاردى قاجەت ەتەدٸ. الايدا, الداعى كەڭٸستٸكتٸ نازاردان تىس قالدىرماۋ كەرەك. سوندىقتان پرەزيدەنتكە تٸكەلەي باعىناتىن ستراتەگييالىق جوسپارلاۋ جەنە رەفورمالار جٶنٸندەگٸ اگەنتتٸك قۇرۋ تۋرالى شەشٸمدٸ قابىلدادىم», - دەدٸ.