"بەيتەرەك" حولدينگٸ ەكٸنشٸ دەڭگەيلٸ بانكتەردٸڭ نارىقتىق يپوتەكاسى بويىنشا حالىق ٷشٸن سىياقى مٶلشەرلەمەسٸن سۋبسيدييالاۋ باعدارلاماسىن ٸسكە قوسۋدى ۇسىندى, - دەپ حابارلايدى Tengrinews.kz.
بۇل تۋرالى ۇلتتىق باسقارۋشى حولدينگ باسشىسى ٷكٸمەت وتىرىسىندا مەلٸمدەدٸ. ونىڭ ايتۋىنشا, زەينەتاقى جيناقتارىنىڭ ەڭ تٶمەنگٸ جەتكٸلٸكتٸ شەگٸنٸڭ ٶسۋ جەنە "7-20-25" باعدارلاماسىنىڭ اياقتالۋىنا بايلانىستى كەلەسٸ جىلى 500 ميلليارد تەڭگە نەمەسە 35 مىڭ پەتەر مٶلشەرٸندە يپوتەكاعا سۇرانىس قاناعاتتاندىرىلمايدى دەگەن بولجام بار.
قاناعاتتاندىرىلماعان سۇرانىستى جابۋ ٷشٸن ەكٸنشٸ دەڭگەيلٸ بانكتەردٸڭ نارىقتىق يپوتەكاسى بويىنشا حالىق ٷشٸن سىياقى مٶلشەرلەمەسٸن سۋبسيدييالاۋ تەتٸگٸن ٸسكە قوسۋ ۇسىنىلادى.
"قازاقستان قارجىگەرلەر قاۋىمداستىعىمەن كەلٸسسٶز قورىتىندىسى بويىنشا مىناداي نەگٸزگٸ شارتتار ۇسىنىلدى:
- العاشقى جارنا - 20 پايىزدان باستاپ;
- نەسيەلەۋ مەرزٸمٸ - 20 جىل;
- قارىز سوماسى - 35 ميلليون تەڭگەگە دەيٸن;
- تٶلەم قابٸلەتٸن راستاۋ مٸندەتتٸ.
سۋبسيدييالاۋعا ۇلتتىق بانكتٸڭ بازالىق مٶلشەرلەمەسٸ 5 پايىزدان اسپايتىن يپوتەكالىق نەسيەنٸڭ 7 پايىزدىق مٶلشەرلەمەسٸ قولدانىلادى", - دەپ قوستى "بەيتەرەك" باسشىسى.
ول ەكٸنشٸ دەڭگەيلٸ بانكتەر قازاقستان تۇرعىن ٷي كومپانيياسىنىڭ كەپٸلدٸگٸمەن باستاپقى تۇرعىن ٷي سالۋشىلار مەن سالىنىپ جاتقان تۇرعىن ٷيلەرگە ٶز قاراجاتى ەسەبٸنەن نەسيە بەرە الاتىنىن تٷسٸندٸردٸ.
"مەحانيزمدٸ ٸسكە قوسۋ ٷشٸن زاڭنامالىق ٶزگەرٸستەر تالاپ ەتٸلمەيدٸ. قازٸرگٸ ۋاقىتتا بيۋدجەتتٸك ٶتٸنٸم قارجى مينيسترلٸگٸندە قارالىپ جاتىر. بيۋدجەت بەكٸتٸلگەننەن كەيٸن "قازاقستاندىق تۇرعىن ٷي كومپانيياسى" بۇل باعدارلامانى دەرەۋ ٸسكە قوسۋعا دايىن", - دەپ تٷيٸندەدٸ ول.
