قازاقستاننىڭ يپوتەكالىق كومپانيياسى (قيك) نەسيەلەۋدٸڭ جاڭا تٷرٸن تانىستىردى, دەپ حابارلايدى قازاقپارات.
«وردا» يپوتەكاسىن قازاقستاندىقتار وسى ايدىڭ سوڭىنان باستاپ رەسٸمدەي الادى. جاڭا باعدارلامانىڭ ارقاسىندا باسپاناسىزدار جاڭا نەمەسە قولدانىستاعى ٷيلەرگە قول جەتكٸزەدٸ. سونىمەن قاتار, ٷمٸتكەرلەردٸڭ باسىندا باسپانا بار-جوعى ماڭىزدى ەمەس. نەسيە قيك ەرٸپتەستەرٸ بولىپ سانالاتىن ەدب (ەكٸنشٸ دەڭگەيلٸ بانكتەر) ارقىلى بەرٸلەدٸ», - دەدٸ كومپانييادان.
ەگەر ٷمٸتكەرلەر تٶلەم قابٸلەتٸن دەلەلدەي السا, يپوتەكالىق قارىز بويىنشا جىلدىق پايىزدىق مٶلشەرلەمە - 12% بولماق. ال ەگەر تولىق دەلەلدەي الماسا, 14%-بەن بەرٸلەدٸ. «وردا» ارقىلى ەڭ كٶپ دەگەندە 40 ملن تەڭگەگە دەيٸنگٸ سوماعا باسپانا الۋعا بولادى. قارىز 20 جىلعا بەرٸلەدٸ. بۇل يپوتەكا قازاقستاننىڭ 16 قالاسىندا جٷرگٸزٸلەدٸ. بٸراق, كليەنتتٸڭ جاسى 21-دەن اسىپ, نەسيە مەرزٸمٸ اياقتالعانشا زەينەت جاسىنا جەتپەۋٸ تيٸس», - دەدٸ قيك-تان.
«وردا» يپوتەكاسى بويىنشا قارىز الۋ ٷشٸن كليەنت ٷي قۇنىنىڭ 30%-ىن الدىن الا تٶلەپ, تٶلەم قابٸلەتٸن تولىق راستاۋى قاجەت. ال تٶلەم قابٸلەتٸن راستاي الماسا, ٷي قۇنىنىڭ 50 %-ىن الدىن الا سالۋى كەرەك. سونىمەن قاتار, العاشقى سالىم بولماعان جاعدايدا كليەنت ٶزٸنٸڭ باسىنداعى جىلجىمايتىن مٷلكٸن كەپٸلگە قويسا بولادى.
«بٸزدٸڭ يپوتەكا كٶپتەگەن قازاقستاندىقتاردىڭ باسپانا جاعدايىن تٷزەتۋگە مٷمكٸندٸك بەرەدٸ. بورىشكەرلەر ٶزدەرٸنە ىڭعايلى پارامەترلەر ارقىلى قولايلى ايلىق تٶلەم بەلگٸلەي الادى», - دەدٸ قيك باسشىسى ەدٸل مۇحامەدجانوۆ.
