قازاقستاندا جاڭا ارنايى سالىق رەجيمٸ قولدانىلاتىن قىزمەت تٷرلەرٸنٸڭ تٸزبەسٸ انىقتالدى. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«بيزنەستٸ قولداۋ ٷشٸن ٶتكەن جىلى 700 مىڭنان اسا زاڭدى تۇلعالار مەن جەكە كەسٸپكەرلەرگە اۋقىمدى سالىقتىق ىنتالاندىرۋ شارالارى كٶرسەتٸلدٸ. قازٸرگٸ كەزدە ميكرو جەنە شاعىن بيزنەس سۋبەكتٸلەرٸن تەكسەرۋگە 3 جىلدىق موراتوريي جالعاسىپ جاتىر جەنە ارنايى سالىق رەجيمدەرٸن قولداناتىن شاعىن جەنە ورتا بيزنەس سۋبەكتٸلەرٸ تابىس سالىعىنان بوساتىلدى», - دەدٸ ول.
ٷكٸمەت باسشىسىنىڭ ايتۋىنشا, بۇل شارالار كەسٸپكەرلەردٸڭ 3 جىلدا شامامەن 400 ملرد تەڭگەنٸ ٶز بيزنەسٸن كەڭەيتۋ مەن دامىتۋعا جۇمساۋىنا مٷمكٸندٸك بەرەدٸ.
«بۇعان قوسا, مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسى بويىنشا وسى جىلعى 1 قاڭتاردان باستاپ ەرٸكتٸ تٷردە قولدانىلاتىن, جاڭا ارنايى سالىق رەجيمٸ – بٶلشەك سالىق ەنگٸزٸلدٸ. سالىق مٶلشەرلەمەسٸ تابىستىڭ 3 پايىزى مٶلشەرٸندە بەلگٸلەندٸ. ٷكٸمەت بۇل رەجيم قولدانىلاتىن قىزمەت تٷرلەرٸنٸڭ تٸزبەسٸن انىقتادى. تٸزبەگە پاندەمييا كەزٸندە كارانتيندٸك شەكتەۋ شارالارى قولدانىلعان قىزمەتتەر ەنگٸزٸلدٸ», - دەدٸ اسقار مامين.
پرەمەر-مينيستر اتالعان رەجيم شاعىن جەنە ورتا بيزنەس سۋبەكتٸلەرٸنٸڭ سالىق جٷكتەمەسٸن ازايتۋ جەنە سالىقتار مەن تٶلەمدەردٸ بيۋدجەتكە تٶلەۋ تەرتٸبٸن وڭتايلاندىرۋ ماقساتىندا داعدارىسقا قارسى شارا رەتٸندە 2 جىلعا ەسەپتەلگەنٸن ايتتى.
«سونىمەن قاتار, جەكە تۇلعالاردىڭ سالىق مٸندەتتەمەلەرٸن ورىنداۋىن جەڭٸلدەتۋ ٷشٸن بيىلدان باستاپ مٷلٸك جەنە جەر سالىقتارى بٸر تٶلەمگە بٸرٸكتٸرٸلدٸ, كٶپپەتەرلٸ ٷيلەردٸڭ يەلەرٸنە جەر سالىعى سالىنبايدى. مٷددەلٸ مەملەكەتتٸك ورگاندارمەن بٸرگە ولاردى ٸسكە اسىرۋ بويىنشا ٷيلەسٸمدٸ جۇمىستى جالعاستىرۋ كەرەك», - دەدٸ ٷكٸمەت باسشىسى.
