بٷگٸن پارلامەنت مەجٸلٸسٸندە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶلٸك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تانىستىرىلدى, دەپ حابارلايدى قازاقپارات.
قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ زاڭ جوباسىنىڭ نەگٸزگٸ ماقساتتارى جولداردا كٶلٸكتٸك باقىلاۋدى اۆتوماتتاندىرۋ, تەڭٸز كٶلٸگٸ سالاسىنداعى حالىقارالىق شارتتاردىڭ نورمالارىن يمپلەمەنتاتسييالاۋ, تەمٸرجول كٶلٸگٸندەگٸ وقيعالاردى جەنە كەمەلەردە بولعان اۆارييالىق جاعدايلاردى تەرگەۋ تەرتٸبٸن جەتٸلدٸرۋگە ارنالعانىن ايتتى. سونىمەن قاتار, قازاقستان رەسپۋبليكاسى زاڭناماسىن حالىقارالىق ازاماتتىق اۆياتسييا ۇيىمى ستاندارتتارىنىڭ تالاپتارىنا جەنە ەۋروپالىق وداقتىڭ اۆياتسييالىق تالاپتارىنا كەلتٸرۋ, ەۋەايلاق ماڭىنداعى اۋماقتا قىزمەتتٸ جٷزەگە اسىرۋعا رۇقسات الۋ تەتٸگٸن رەتتەۋ ەسكەرٸلگەن.
«جٷكتەردٸ اۆتوموبيلمەن تاسىمالداۋدىڭ جوعارى قارقىندىلىعى جول تٶسەمٸنٸڭ مەرزٸمٸنەن بۇرىن بۇزىلۋىنا جول بەرمەۋ بويىنشا تٷبەگەيلٸ شارالاردى قابىلداۋدى تالاپ ەتەدٸ. وسى ماقساتتا «2020-2025 جىلدارعا ارنالعان نۇرلى جول» باعدارلاماسى بويىنشا جولداردا كٶلٸك قۇرالدارىنىڭ سالماقتىق جەنە گاباريتتٸك پارامەترلەرٸن ٶلشەيتٸن اۆتوماتتاندىرىلعان ستانتسييالاردى ورناتۋ جوسپارلانۋدا. زاڭ جوباسىندا ٶلشەۋ ستانتسييالارىن ورناتۋ جەنە ولاردىڭ جۇمىس ٸستەۋ تەرتٸبٸن ايقىندايتىن نورمالار كٶزدەلگەن», - دەدٸ ۆيتسە-مينيستر.
ونىڭ ايتۋىنشا, بۇل رەتتە ستانتسييالار ادامنىڭ قاتىسۋىنسىز «سەرگەك» قاعيداتى بويىنشا جۇمىس ٸستەيتٸن بولادى. ۇسىنىلىپ وتىرعان شارالاردى ٸسكە اسىرۋ اۆتوجولداردىڭ ساقتالۋىن قامتاماسىز ەتۋگە, اۋىر سالماقتى كٶلٸكتەردٸڭ جول جٷرگەنٸ ٷشٸن بيۋدجەتكە تٷسەتٸن الىمدار تٷسٸمٸن جىل سايىن 1,5 ملرد تەڭگەگە ارتتىرۋعا جەنە اۆتوجولداردا كٶلٸكتٸك باقىلاۋ جٷرگٸزۋ كەزٸندە ادامي فاكتوردى بولدىرماۋعا مٷمكٸندٸك بەرەدٸ.
«بيىلدىڭ 31 ناۋرىزىندا قازاقستان رەسپۋبليكاسى باتىپ كەتكەن كەمەلەردٸ شىعارۋ تۋرالى 2007 جىلعى نايروبي حالىقارالىق كونۆەنتسيياسىن راتيفيكاتسييالادى. وسىعان بايلانىستى, زاڭ جوباسىندا كەمە يەسٸنٸڭ سۋعا باتقان مٷلٸكتٸ كٶتەرۋ جٶنٸندەگٸ ٶزٸنٸڭ ازاماتتىق-قۇقىقتىق جاۋاپكەرشٸلٸگٸن ساقتاندىرۋ جٶنٸندەگٸ مٸندەتٸن بەلگٸلەيتٸن كونۆەنتسييا تالاپتارىن يمپلەمەنتاتسييالاۋ جٶنٸندەگٸ نورمالار كٶزدەلگەن. ۇسىنىلىپ وتىرعان نورمالار قازاقستانعا سۋعا باتقان كەمەنٸ كٶتەرۋ بويىنشا شىعىنداردى ٶتەۋ تۋرالى تالاپتاردى تٸكەلەي ساقتاندىرۋ كومپانيياسىنا ۇسىنۋعا مٷمكٸندٸك بەرەدٸ. قازٸرگٸ تاڭدا قازاقستاننىڭ اۋماقتىق سۋلارىندا باتىپ كەتكەن 10 كەمەنٸڭ, ونىڭ ٸشٸندە يراندىق Tiba قۇرعاق جٷك كەمەسٸنٸڭ (2015 جىلى باتىپ كەتكەن) جەنە رەسەيلٸك «اراكس» كەمەسٸنٸڭ (2016 جىلى باتىپ كەتكەن) قالدىقتارى بار», - دەدٸ ب.كاماليەۆ.
