اگرارلىق سەكتورداعى ەڭ تٶمەنگٸ جالاقى الاتىن ماماندىقتاردىڭ بٸرٸ - ۆەتەرينارلىق دەرٸگەرلەر. بۇل تۋرالى قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«رەسپۋبليكا بويىنشا مال دەرٸگەرلەرٸنٸڭ ورتاشا جاسى 40-55 جاستى قۇرايدى. ۆەتەرينارلىق سەكتوردا جاس, جوعارى بٸلٸكتٸ كادرلار جەتٸسپەيدٸ. قازٸرگٸ زامانعى قوعامنىڭ ٷردٸستەرٸمەن تەڭ تابىس تابۋ مٷمكٸندٸگٸنٸڭ بولماۋى, جۇمىستىڭ قيىندىعى, اۋىلدىق جەرلەردەگٸ ينفراقۇرىلىمنىڭ دامىماۋى جاس مامانداردىڭ مال دەرٸگەرٸ كەسٸبٸنە دەگەن قىزىعۋشىلىعىن تٶمەندەتتٸ», - دەدٸ قاراشٶكەەۆ.
ونىڭ ايتۋىنشا, بيىلعى 1 سەۋٸردەگٸ جاعداي بويىنشا مەملەكەت باسشىسىنىڭ تاپسىرماسىنا سەيكەس, مەملەكەتتٸك تاپسىرىستى ورىنداۋ ٷشٸن تاريفتەردٸ كٶتەرۋ ەسەبٸنەن رەسپۋبليكا بويىنشا ورتا ەسەپپەن ۆەتەرينارييالىق مامانداردىڭ جالاقىسى 33,4%-عا ٶستٸ. جىل سوڭىنا دەيٸن ودان ەرٸ 60%-عا دەيٸن ۇلعايتۋ جوسپارلانىپ وتىر.
«قازٸرگٸ ۋاقىتتا كوممۋنالدىق ۆەتەرينارلىق كەسٸپورىنداردىڭ ورتاشا ايلىق جالاقىسى ٶڭٸرلەرگە بايلانىستى 80 مىڭنان (قىزىلوردا وبلىسى) 206 مىڭعا دەيٸن (پاۆلودار وبلىسى) تەڭگەنٸ قۇرايدى. الايدا, بۇل جەتكٸلٸكسٸز», - دەدٸ مينيستر.
بۇل مەسەلەلەردٸ شەشۋ ٷشٸن كەلەسٸ ٸس-شارالار ۇسىنىلدى:
1. بەسەكەلەستٸك سەكتورى جوق جەرلەردە كوممۋنالدىق ۆەتەرينارييالىق كەسٸپورىندار كٶرسەتەتٸن اقىلى قىزمەتتەر كٶلەمٸن ۇلعايتۋ. ول ٷشٸن بارلىق جەردە اقىلى قىزمەت تٷرلەرٸنٸڭ تاريفتەرٸ بەكٸتٸلەدٸ.
2. تيٸستٸ زاڭنامالىق بازانى قابىلداي وتىرىپ, كەلەسٸ جىلدان باستاپ كوممۋنالدىق ۆەتەرينارييالىق كەسٸپورىندار ۆەتەرينارييا ماماندارىنىڭ لاۋازىمدىق جالاقىسىنا 50%-دىق قوسىمشا ٷستەماقى جەنە زيياندى ەڭبەك جاعدايلارى ٷشٸن (پاتوگەندٸگٸ 1-شٸ جەنە 2-شٸ ساناتتاعى بيواگەنتتەرمەن جۇمىس ٸستەۋ) مەملەكەتتٸك كوممۋنالدىق مەكەمەلەردٸڭ بازالىق لاۋازىمدىق جالاقىسىنا 140%-دىق قوسىمشا اقى تٶلەۋ, سونداي-اق ساۋىقتىرۋ جەردەماقىسى رەتٸندە 2 لاۋازىمدىق جالاقى تٶلەۋ. بۇل شارالار مال دەرٸگەرٸ كەسٸبٸنٸڭ تارتىمدىلىعى مەن بەدەلٸن ەدەۋٸر ارتتىرادى.
