قازاقستاندا كوروناۆيرۋسقا قارسى ۆاكتسينانىڭ ەكٸ دوزاسىن العاندار ميلليوننان استى. 28 مامىر كٷنگٸ مەلٸمەت بويىنشا, ەلدە 1 ملن 21 مىڭ 100 ادامعا (حالىقتىڭ 5,3 پايىزى) ۆاكتسينانىڭ ەكٸ دوزاسى سالىنعان. مينيسترلٸكتٸڭ مەلٸمەتٸنشە, ۆاكتسينانىڭ العاشقى كومپونەنتٸن 2 ملن 76 مىڭ ادام (حالىقتىڭ 10,8 پايىزى) العان.
ٶتكەن تەۋلٸكتە شامامەن 20 مىڭ ادامعا ۆاكتسينا ەگٸلگەن. بەيسەنبٸ كٷنٸ بۇل كٶرسەتكٸش بويىنشا تٷركٸستان وبلىسى (3,3 مىڭ), الماتى قالاسى (2,2 مىڭ ادام), الماتى وبلىسى (1,9 مىڭ ادام) مەن شىعىس قازاقستان وبلىسى (1,9 مىڭ ادام) العا شىققان. جالپى ۆاكتسينالاۋ قارقىنى تٶمەندەگٸدەي:
- الماتى قالاسىندا – 302,4 مىڭ ادام (15,3 پايىز) ۆاكتسينانىڭ العاشقى دوزاسىن العان;
- شىمكەنت – 172,9 مىڭ (15,8%);
- الماتى وبلىسى – 216,5 مىڭ ادام (10,4%);
- تٷركٸستان وبلىسى – 194,7 مىڭ ادام (9,5%);
- قاراعاندى وبلىسى – 158,5 مىڭ (11,4%);
- نۇر-سۇلتان – 158,4 مىڭ (13,2%);
- شىعىس قازاقستان وبلىسى – 136,4 مىڭ (10,1%);
- جامبىل وبلىسى – 105,5 مىڭ (9,2%);
- قىزىلوردا وبلىسى – 83,8 مىڭ (10,1%);
- قوستاناي وبلىسى – 83,7 مىڭ (9,6%);
- پاۆلودار وبلىسى – 80,6 مىڭ (10,5%);
- اقتٶبە وبلىسى – 79,6 مىڭ (9%);
- اقمولا وبلىسى– 72,8 مىڭ ادام (9,8%);
- سولتٷستٸك قازاقستان وبلىسى – 71,4 مىڭ (13,2%);
- باتىس قازاقستان وبلىسى – 67,3 مىڭ (10%);
- اتىراۋ وبلىسى – 53,2 مىڭ (7,9%);
- ماڭعىستاۋ وبلىسى – 39,1 مىڭ (5,4%).
ٷكٸمەت بۇعان دەيٸن مامىر ايىندا ەكٸ ميلليون ادامدى ۆاكتسينادان ٶتكٸزەمٸز دەپ مەلٸمدەگەن ەدٸ. جەرگٸلٸكتٸ اقپارات اگەنتتٸكتەرٸنٸڭ حابارلاۋىنشا, ٷكٸمەت سەۋٸر ايىندا دا سولاي دەپ مەلٸمدەگەن.
شامامەن 19 ملن تۇرعىنى بار قازاقستاندا كوروناۆيرۋسقا قارسى ەكپە سالۋ ناۋقانى اقپان ايىندا باستالعان. بٸرٸنشٸ كەزەكتە مەديتسينا قىزمەتكەرلەرٸ, مۇعالٸمدەر, كٷشتٸك قۇرىلىم قىزمەتكەرلەرٸنە سالىندى. 1 سەۋٸردە ٶزگە كاتەگوريياداعى ازاماتتارعا سالىنا باستادى.
ەلدە رەسەيلٸك "سپۋتنيك V" ۆاكتسيناسىمەن قاتار قازاقستاندىق QazVac جەنە باە-دە ٶندٸرٸلگەن قىتايلىق Sinopharm كومپانيياسىنىڭ ۆاكتسيناسى پايدالانىلىپ جاتىر.
