ۆاكتسينالاۋ ٷشٸن ەلٸمٸزدە بارلىق قاجەتتٸ جاعدايلار جاسالعان. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتىپ بەردٸ, دەپ حابارلايدى قازاقپارات.
«ۆاكتسينالاۋ ٷشٸن ەلٸمٸزدە بارلىق قاجەتتٸ جاعدايلار جاسالعان. ۆاكتسينالاردىڭ شامامەن 5 ملن دوزا قورى بار, ونىڭ ٸشٸندە 2,8 ملن دوزا ۆاكتسينالاۋعا جەنە 2,2 ملن دوزا رەۆاكتسينالاۋعا ارنالعان. سونىمەن قاتار, حالىقتىڭ نەعۇرلىم وسال توبىن قورعاۋ ٷشٸن رەۆاكتسينالاۋعا ارنالعان ۆاكتسينالاردى تاڭداۋ اياسى كەڭەيتٸلدٸ. 60 جاستان اسقان ادامدارعا قوسىمشا كوميرناتي (Phizer) ۆاكتسيناسى ۇسىنىلادى», - دەدٸ توعجانوۆ ورتالىق كوممۋنيكاتسييالار قىزمەتٸندە.
سونىمەن بٸرگە, ەل ٶڭٸرلەرٸ دە 23,8 ملن استام ۆاكتسينا دوزاسىمەن قامتاماسىز ەتٸلگەن.
«بٷگٸن ۆاكتسينالاۋدان ٶتسەڭٸز – كەلەشەكتە جۇققان اۋرۋدىڭ جەڭٸل ٶتۋٸن قامتاماسىز ەتەسٸز. رەۆاكتسينالاۋدىڭ تيٸمدٸلٸگٸ ۆاكتسينالاۋ ەسەرٸنەن دە اسىپ تٷسەتٸنٸ بۇرىننان دەلەلدەنگەن. سونىمەن قاتار, رەۆاكتسينالاۋ اۋرۋدىڭ اۋىر تٷرلەرٸنەن, اۋرۋحاناعا جاتقىزۋدان جەنە ٶلٸمنەن 70%-عا دەيٸن قورعايدى. كەشەندٸ ۆاكتسينالاۋدان ٶتكەن سوڭ عانا بٸز ٶلٸم جاعدايلارىنىڭ سانىن توقتاتىپ, الدىن الا الامىز», - دەپ تٷسٸندٸردٸ توعجانوۆ.
