فوتو: depositphotos.com
قازاقستاندا سالىناتىن ٷش جاڭا جەو-نىڭ الدىن الا قۇنى بەلگٸلٸ بولدى, - دەپ حابارلايدى Tengrinews.kz سايتى.
ٷكٸمەت وتىرىسىندا "سامۇرىق-ەنەرگو" اق باسقارما تٶراعاسى قايرات ماقسۇتوۆ كٶكشەتاۋداعى جەو قۋاتى 240 مەگاۆاتت, سەمەيدە - 360 مەگاۆاتت, ٶسكەمەندە 360 مەگاۆاتت بولاتىنىن ايتتى. جوبالاردى ٸسكە اسىرۋ جٶنٸندەگٸ ۋەكٸلەتتٸ ۇيىمدار رەتٸندە "سامۇرىق-ەنەرگو" جەنە "ينتەر راو ەكسپورت" بەكٸتٸلگەن.
"كٶرسەتٸلگەن ٷش قالادا جىلۋ ەلەكتر ورتالىقتارىن سالۋ ٷشٸن سۋبسيدييالانعان مٶلشەرلەمە بويىنشا جەڭٸلدٸكتٸ قارجىلاندىرۋدى قامتاماسىز ەتۋ شارتىمەن رەسەي فەدەراتسيياسىندا ٶندٸرٸلگەن نەگٸزگٸ تەحنولوگييالىق جابدىقتاردى پايدالانۋ جوسپارلانعان", - دەدٸ قايرات ماقسۇتوۆ.
قازٸرگٸ ۋاقىتتا كٶكشەتاۋدا جەو بويىنشا تەن ەزٸرلەۋ اياقتالدى, سەمەيدەگٸ جەو بويىنشا تەن بيىل ناۋرىزدا دايىن بولادى, ال ٶسكەمەندەگٸ جەو بويىنشا 2024 جىلدىڭ اياعىنا دەيٸن ورىنداي وتىرىپ, تەن ەزٸرلەۋگە كٸرٸسۋدٸ جوسپارلاپ وتىرمىز.
"كٶكشەتاۋ جەنە سەمەي جەو بويىنشا EPC-كەلٸسٸمشارتقا قول قويۋ بيىل 3-توقساندا, ٶسكەمەن جەو بويىنشا - 2025 جىلدىڭ 1-توقسانىندا بولجانادى. قۇرىلىستىڭ اياقتالۋى - 2027-2028 جىلدارى", - دەدٸ ماقسۇتوۆ.
تٶراعا ۇسىنعان سلايدتاردا ەربٸر جىلۋ ەلەكتر ورتالىعىنىڭ الدىن الا قۇنى كٶرسەتٸلگەن:
- كٶكشەتاۋ جەو – 347 ميلليارد تەڭگە;
- سەمەي جەو – 420 ميلليارد تەڭگە;
- ٶسكەمەن جەو – 490 ميلليارد.
ٷكٸمەت وتىرىسىنان كەيٸنگٸ بريفينگتە ماقسۇتوۆ جوبالاردىڭ قۇنى "ەلٸ بەكٸتٸلگەن جوق" دەپ مەلٸمدەدٸ.
"ناقتى سوماعا كەلەتٸن بولساق, ونى ايتا المايمىز. ول مەملەكەتتٸك ساراپتامادان ٶتكەننەن كەيٸن بەلگٸلٸ بولادى. جارييالانعان سوما بولجامدى. قۇنى ەلٸ بەكٸتٸلگەن جوق", - دەدٸ ول.
