فوتو: اشىق دەرەككٶز
ٶزبەكەلٸ جەنٸبەكوۆ اتىنداعى وڭتٷستٸك قازاقستان پەداگوگيكالىق ۋنيۆەرسيتەتٸندە تٷركييانىڭ بەدەلدٸ جوعارى وقۋ ورىندارىنىڭ بٸرٸ – گازي ۋنيۆەرسيتەتٸنٸڭ فيليالى رەسمي تٷردە اشىلادى, دەپ حابارلايدى Ult.kz.
قر پرەزيدەنتٸ قاسىم-جومارت توقاەۆتىڭ تٷركييا رەسپۋبليكاسىنا رەسمي ساپارى اياسىندا اتالعان كەلٸسٸم جٷزەگە استى.
تٷركييا رەسپۋبليكاسىنىڭ «جوعارى بٸلٸم تۋرالى» زاڭىنىڭ 39-بابىنا سەيكەس ٶزبەكەلٸ جەنٸبەكوۆ اتىنداعى وڭتٷستٸك قازاقستان پەداگوگيكالىق ۋنيۆەرسيتەتٸنٸڭ بازاسىندا گازي ۋنيۆەرسيتەتٸنٸڭ فيليالى اشىلسىن دەگەن رەسمي شەشٸم قابىلداندى.
«قازٸرگٸ تاڭدا بٸزدٸڭ 12 مىڭنان استام ستۋدەنتٸمٸز تٷركييادا, ال 300 تٷرٸك ستۋدەنتٸ قازاقستاننىڭ جوعارى وقۋ ورىندارىندا بٸلٸم الىپ جاتىر. وسىعان قولداۋ كٶرسەتكەنٸ ٷشٸن تٷركييا پرەزيدەنتٸ مەن ٷكٸمەتٸنە ريزاشىلىعىمدى بٸلدٸرەمٸن. ۇزاق جىلدان بەرٸ تٷركٸستان تٶرٸندە احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ تابىستى جۇمىس ٸستەپ كەلەدٸ. سونداي-اق وڭتٷستٸك قازاقستان پەداگوگيكالىق ۋنيۆەرسيتەتٸنٸڭ جانىنان تٷركييانىڭ وزىق بٸلٸم وشاقتارىنىڭ بٸرٸ – گازي ۋنيۆەرسيتەتٸنٸڭ فيليالى اشىلماق», – دەدٸ مەملەكەت باسشىسى تٷركييا ساپارىندا.
ەندٸ قازاقستان مەن تٷركييا اراسىنداعى بٸلٸم مەن عىلىم سالاسىنداعى ستراتەگييالىق ەرٸپتەستٸك جاڭا دەڭگەيگە كٶتەرٸلدٸ. بۇل – حالىقارالىق بٸلٸم كەڭٸستٸگٸندەگٸ ماڭىزدى سەرپٸلٸس.
ٶ.جەنٸبەكوۆ اتىنداعى وقپۋ – 1937 جىلى قۇرىلعان, ەلٸمٸزدٸڭ وڭتٷستٸك ٶڭٸرٸندەگٸ پەداگوگيكالىق كادرلاردى دايارلايتىن ٸرگەلٸ وقۋ ورنى.
گازي ۋنيۆەرسيتەتٸ – 1926 جىلى نەگٸزٸ قالانعان جەتەكشٸ ۋنيۆەرسيتەتتەرٸنٸڭ بٸرٸ. ول بٸلٸم بەرۋ, عىلىم, مەديتسينا جەنە ٶزگە دە باعىتتار بويىنشا جوعارى دەڭگەيدەگٸ ماماندار دايارلايدى.
