استاناداعى انا مەن بالا ورتالىعىندا جاسٶسپٸرٸمنٸڭ جاق سٷيەگٸنە تيتاندىق يمپلانت ەنگٸزٸلدٸ. مۇنداي وپەراتسييا قازاقستاندا تۇڭعىش رەت جاسالدى, دەپ حابارلايدى "ۇلت اقپارات" «حابار 24» تەلەارناسىنا سٸلتەمە جاساپ.
17 جاستاعى ستۋدەنت جول اپاتى سالدارىنان 12 جىل بويى اۋزىن تولىق اشا الماي, قيىندىق كٶرگەن. وپەراتسييا سەتتٸ ٶتتٸ. ەندٸ دەرٸگەرلەر بۇل تىڭ ەدٸستٸ كەڭٸنەن مەڭگەرٸپ, ەلدٸڭ بارلىق ٶڭٸرٸندە ەنگٸزۋگە نيەتتٸ. سەبەبٸ, قازاقستاندا 40-قا جۋىق بالا وسىنداي ەمگە مۇقتاج. ال شەتەلدە مۇنداي وپەراتسييانىڭ قۇنى 50 مىڭ دوللاردان اسىپ جىعىلادى.
ستۋدەنت بالاعا وتاندىق دەرٸگەرلەر بۇعان دەيٸن 3 رەت وپەراتسييا جاساعان. بٸراق نەتيجە بولماعان. كەيٸن دياس انا مەن بالا ورتالىعىنا جٷگٸنگەن. جاسٶسپٸرٸم قازٸر ٶزٸن جاقسى سەزٸنەدٸ. اۋزىن تولىق اشىپ, ٶزدٸگٸنەن تاماقتانادى, ەمٸن-ەركٸن سٶيلەيدٸ. تٸپتٸ, 8 كەلٸ سالماق قوسقان. دياستىڭ وڭ جاق سٷيەگٸنە قازٸر پروتەز سالىندى. بٸراق ونى جاساۋ وڭايعا سوقپاعان. ماماندار جاسٶسپٸرٸمنٸڭ سۋرەتٸن ارنايى كومپيۋتەرلٸك باعدارلاماعا سالىپ, 3D كەسكٸنٸن جاساعان. سوسىن پروتەزدٸ شەتەلدەن ارنايى تاپسىرىسپەن الدىرتقان.
ال بۇرىن-سوڭدى بولماعان ەمدٸ ەزٸرگە ورتالىقتا, حيرۋرگ رۋسلان سيا-تۋن-چين عانا مەڭگەرگەن. ول ٷشٸن مامان رەسەيدە ارنايى بٸلٸمٸن شىڭداعان. ەرينە, بٸلٸكتٸ مامان جىل سايىن 180-نەن اسا وپەراتسييا جاساپ جٷرسە دە, مۇنداي كٷردەلٸ ەمدٸ العاش رەت قولدانعان. بەس ساعاتقا سوزىلعان وپەراتسيياعا رۋسلاننان بٶلەك 7 مامان قاتىستى. ەم-دوم سەتتٸ اياقتالدى.
«ارنايى پروتەز دايىنداماي, ستاندارتتى تٷرٸن قولدانۋعا بولادى. بٸراق تەجٸريبە ونىڭ تيٸمدٸلٸگٸ از ەكەنٸن كٶرسەتٸپ وتىر. ەرينە, تيتاننان جاسالعان پروتەزدٸڭ ورنىنا ادامنىڭ سان ەتٸ سٷيەگٸن الىپ, جاعىنا سەيكەستەندٸرٸپ قويۋعا بولادى. بٸراق ۋاقىت ٶتە كەلە سٷيەك قۇرىلىسى 20-30 پايىزعا سورىلىپ, جاقتىڭ ۇزىندىعى مەن بيٸكتٸگٸنە سەيكەس كەلمەۋٸ مٷمكٸن. سوندىقتان بٸز بالاعا ارنايى ٶزٸنە لايىقتاپ جاسالعان پروتەز سالدىق. بالا ٶسسە دە, پروتەزدٸڭ ەشقانداي كەرٸ ەسەرٸ بولمايدى», - دەيدٸ جاق-بەت سٷيەگٸ حيرۋرگى رۋسلان سيا-تۋن-چين.
دەرٸگەرلەردٸڭ ايتۋىنشا, مۇنداي وپەراتسييانى جاسٶسپٸرٸم 15 جاستان اسقان كەزدە عانا جاساۋعا بولادى. سەبەبٸ, وعان دەيٸن بالانىڭ جاق-بەت سٷيەگٸ ٶسٸپ-جەتٸلەدٸ. ال ەلٸمٸزدە مۇنداي ەم-دومعا مۇقتاج جاندار بارشىلىق. انا مەن بالا ورتالىعى ولارعا كٶمەك قولىن سوزۋعا دايىن.
«العان يمپلانتتىڭ باعاسى بار, 3D سالعان باعاسى بار. سوندا 2-3 ملن شىقتى. ٶزٸمٸزدە جاساساق, وسىنشا اقشا. قازٸر پروبلەما جوق. دەرٸگەرلەر كٶردٸ. ٶز قولدارىنا سەنٸپ, ەرٸ قاراي ونى دامىتسا, ەندٸ ٷكٸمەتتٸڭ كٶمەگٸ بولسا. دەرٸلەرٸ, شىعىن زاتتارى بولسا, ونى ٸستەيدٸ», - انا مەن بالا ورتالىعى ديرەكتورىنىڭ ورىنباسارى شولپان التىنوۆا.
