وسىدان تۋرا 1 جىل بۇرىن 16 ناۋرىز كٷنٸ تاڭعى ساعات 08:00-دە قازاقستاننىڭ بارلىق اۋماعىندا تٶتەنشە جاعداي رەجيمٸ ەنگٸزٸلگەن ەدٸ, دەپ حابارلايدى قازاقپارات.
ەستە بولسا, ٶتكەن جىلدىڭ ناۋرىز ايىنىڭ باسىندا دٷنيەجٷزٸلٸك دەنساۋلىق ساقتاۋ ۇيىمى جاڭا COVID-19 كوروناۆيرۋسىن پاندەمييا دەپ جارييالادى. وسىعان وراي ازاماتتارىمىزدىڭ ٶمٸرٸ مەن دەنساۋلىعىن قورعاۋ ماقساتىندا ەلٸمٸزدٸڭ اۋماعىندا 2020 جىلعى 16 ناۋرىزداعى 8 ساعات 00 مينۋت پەن 2020 جىلعى 15 سەۋٸردەگٸ ساعات 7 ساعات 00 مينۋت كەزەڭٸندە تٶتەنشە جاعداي مەرزٸمٸ ۇزارتىلدى. تيٸستٸ جارلىققا قر پرەزيدەنتٸ قاسىم-جومارت توقاەۆ 15 ناۋرىزدا قول قويدى. بەلگٸلەنگەن مەرزٸم اياقتالعاننان كەيٸن دە كوروناۆيرۋستىڭ تارالۋى تىيىلماعاندىقتان مەملەكەت باسشىسى تاعى دا جارلىق شىعارىپ, تٶتەنشە جاعداي قولدانىسى 2020 جىلعى 11 مامىرداعى 00 ساعات 00 مينۋتقا دەيٸن ۇزارتىلدى.
2020 جىلدىڭ 23 ناۋرىزىندا تٶتەنشە جاعدايدىڭ ەنگٸزٸلۋٸنە بايلانىستى تابىسىنان ايىرىلعاندارعا 42 مىڭ تەڭگەدەن بەرۋ تۋرالى شەشٸم قابىلداندى. ول ٷشٸن مەملەكەتتٸك ەلەۋمەتتٸك ساقتاندىرۋ قورىنان 476 ملرد تەڭگە بٶلٸندٸ. تٶلەمدەر 2020 جىلدىڭ سەۋٸر-مامىر جەنە شٸلدە ايلارىندا تٶتەنشە جاعداي كەزٸندە بەرٸلدٸ. بۇل كٶمەكتٸ بارلىعى 4,6 ملن ادام الدى.
بۇعان قوسا, قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن پاندەمييا جاعدايىندا حالىقتىڭ ەلەۋمەتتٸك وسال توپتارىنا قايىرىمدىلىق كٶمەك كٶرسەتۋ ٷشٸن «Birgemiz» قوعامدىق قورى قۇرىلدى قورعا 2020 جىلدىڭ قازان ايىنىڭ ورتاسىنا قاراي سوماسى شامامەن 34 ملرد تەڭگەنٸ قۇراعان قايىرىمدىلىق تٷرٸندەگٸ اقشالاي قاراجاتتى وتاندىق بيزنەسمەندەر مەن مەتسەناتتار ۇسىندى. وسى قوردان 50 مىڭ تەڭگە مٶلشەرٸندە بٸرجولعى تٶلەم تٷرٸندە قارجىلىق كٶمەك 2,2 ملن قازاقستاندىققا نەمەسە 650 مىڭنان استام وتباسىعا بەرٸلدٸ. سونداي-اق 320 مىڭ وتباسىعا ازىق-تٷلٸك سەبەتتەرٸ مەن بٸرٸنشٸ كەزەكتە قاجەتتٸ تاۋارلار, تاعى 100 مىڭىنا — 5 ملن مەديتسينالىق ماسكا بەرٸلدٸ
سونىمەن قاتار تج رەجيمٸ مەن كارانتيندٸك شەكتەۋ شارالارىنىڭ ەنگٸزٸلۋٸنە بايلانىستى تۇراقتى اتاۋلى ەلەۋمەتتٸك كٶمەك الۋشىلارعا ونى تاعايىنداۋ ۋەكٸلەتتٸ مەملەكەتتٸك ورگاندارعا جٷگٸنبەي-اق جىل بويى ۇزارتىلدى. اتاپ ايتقاندا, 2020 جىلعى IV توقساندا بۇل شارا 130 مىڭ وتباسىنىڭ 650 مىڭنان استام ازاماتىنا قاتىستى بولدى. سول جىلدىڭ 1 جەلتوقسانىنداعى جاعداي بويىنشا 168,6 مىڭ وتباسىدان 858 مىڭنان استام ادامعا 58,3 ملرد تەڭگە سوماسىندا اەك تٶلەندٸ.
كوروناۆيرۋسپەن كٷرەستە الدىڭعى شەپتە جٷرٸپ قايتىس بولعان مەديتسينا قىزمەتكەرلەرٸن ەسكە الۋ ماقساتىندا مەملەكەت باسشىسىنىڭ ٶكٸمٸمەن 2020 جىلعى 13 شٸلدە جالپىۇلتتىق ازا تۇتۋ كٷنٸ بولىپ بەلگٸلەندٸ. وسىعان بايلانىستى تٷنگٸ ساعات 00:00-دەن باستاپ ەلٸمٸزدەگٸ بارلىق مەملەكەتتٸك تۋ تٶمەن تٷسٸرٸلدٸ. ال نۇر-سۇلتان قالاسىنىڭ ۋاقىتىمەن ساعات 12:00-دە رەسپۋبليكا بويىنشا كوروناۆيرۋس پاندەميياسىنىڭ قۇرباندارىن بٸر مينۋت ٷنسٸزدٸكپەن ەسكە الۋ جارييالاندى.
اقوردا رەزيدەنتسيياسىنىڭ الدىندا مەملەكەت باسشىسى قاسىم-جومارت توقاەۆ كوروناۆيرۋس ٸندەتٸنەن قازا تاپقان ازاماتتاردى قۇرمەتپەن بٸر مينۋت ەسكە الدى.
