فوتو: pexels.com
ۇلتتىق ەكونوميكا ۆيتسە-مينيسترٸ ارمان قاسەنوۆ تەڭگەنٸڭ دەۆالۆاتسيياسى تەۋەكەلدەرٸنە قاتىستى سۇراققا پٸكٸر بٸلدٸردٸ, دەپ حابارلايدى Tengrinews.kz تٸلشٸسٸ.
ونىڭ ايتۋىنشا, بۇعان نەگٸز جوق.
"سوڭعى ٷش جىلدا تٷرلٸ ساراپشىلار بۇقارالىق اقپارات قۇرالدارىندا تەڭگە باعامى ٶتە جوعارى بولادى دەپ ايتقان ەدٸ, بٸراق ول ەشقاشان ورىن العان جوق. شىن مەنٸندە, بٸزدە دەۆالۆاتسييا ۇزاق ۋاقىتتان بەرٸ بولعان جوق, سەبەبٸ دەۆالۆاتسييانىڭ ەردايىم ايقىن ٸرگەلٸ سەبەپتەرٸ بولۋى كەرەك. قازٸر, ەرينە, ونداي نەگٸزدەر جوق", – دەدٸ قاسەنوۆ سەناتتاعى بريفينگتە.
مىسال رەتٸندە ول قازاقستاندىق ەكسپورتتى اتادى.
"سٸز بٸزدٸڭ ەكسپورتتىڭ قايدا ەكەنٸن كٶرٸپ وتىرسىز, بيىلعى ەكسپورت ٶتكەن جىلمەن سالىستىرعاندا ەلدەقايدا جوعارى. يمپورت ازايدى. بٷگٸنگٸ تاڭدا بٸزدە ساۋدا بالانسى ەلدەقايدا ساۋ. سوندىقتان دەل قازٸر دەۆالۆاتسيياعا ەشقانداي نەگٸز جوق", – دەپ اتاپ ٶتتٸ ۆيتسە-مينيستر.
ونىڭ ايتۋىنشا, قازاقستاننىڭ ۇلتتىق ۆاليۋتاسى تۇراقتى.
"وعان ەرتٷرلٸ فاكتورلار ەسەر ەتۋٸ مٷمكٸن. كەز كەلگەن باسقا ۆاليۋتا سيياقتى, ول ەلدٸڭ ەكسپورت-يمپورتىنا بايلانىستى بولادى, سوندىقتان مۇنداي ەسەرلەرگە بايلانىستى كۋرس ٶزگەرۋٸ مٷمكٸن, بٸراق جالپى العاندا, سٸز ۆاليۋتانىڭ تۇراقتىلىعىن كٶرٸپ وتىرسىز, ۇلتتىق ۆاليۋتاداعى دەپوزيتتەردٸڭ كٸرٸستٸلٸگٸ شەتەل ۆاليۋتاسىنان ەلدەقايدا جوعارى ەكەنٸن كٶرٸپ وتىرسىز, ينفلياتسييانى ەسكەرسەك تە. مەن جەكە ٶز باسىم ۇلتتىق ۆاليۋتانىڭ تۇراقتىلىعىنا سەنەمٸن" – دەپ تٷيٸندەدٸ ول.
