ەيەلدەرگە ارنالعان باعدارلامانىڭ تالاپتارى ٶزگەردٸ. ەندٸ «ۇماي» تابىسى جوعارى قىز-كەلٸنشەكتەرگە دە قولجەتٸمدٸ. ٸسكەر ەيەلدەر ٷشٸن ورتاق وتباسىلىق تابىس شەگٸ 320 000 تەڭگەدەن 640 000 تەڭگەگە دەيٸن كٶتەرٸلدٸ, دەپ حابارلايدى قازاقپارات.
ەلەۋەتتٸ قارىز الۋشىنىڭ اي سايىنعى وتباسىلىق تابىسى 550 000 تەڭگەدەن اسپاسا, ول 15%-دىق باستاپقى جارنامەن نەسيە الا الادى.
ال وتباسىنىڭ ورتاق كٸرٸسٸ ايىنا 550 001 تەڭگەدەن 630 000 تەڭگەگە دەيٸنگٸ ارالىقتا بولسا, وندا تۇرعىن ٷيدٸ 20%-دىق العاشقى جارنامەن الۋعا بولادى.
باعدارلاما بويىنشا بەرٸلەتٸن زاەمنىڭ ەڭ جوعارعى قۇنى 30 ملن تەڭگەگە دەيٸن. پايىزدىق مٶلشەرلەمە 13,5% (جتسم - 14,5%-دان باستاپ) تەڭ, كەيٸننەن 5%-عا دەيٸن (جتسم - 5,2%-دان باستاپ) تٶمەندەتٸلەدٸ.
«ۇماي» باعدارلاماسى بويىنشا قارىز الۋ مەرزٸمٸ 6 ايدان 25 جىلعا دەيٸن.
بۇل رەتتە تۇرعىن ٷي تاڭداۋدا شەكتەۋلەر جوق, ونى العاشقى جەنە ەكٸنشٸ نارىقتان, سونىڭ ٸشٸندە ٷلەستٸك قاتىسۋ شارتتارى بويىنشا ساتىپ الۋعا بولادى.
سونداي-اق «ۇماي» بويىنشا باسپانانى جٶندەۋ جۇمىستارىنا دا 3,7 ملن تەڭگەگە دەيٸنگٸ مٶلشەردە قارىز الۋعا بولادى.
گەندەرلٸك تەڭدٸكتٸ جەتٸلدٸرۋگە نەگٸزدەلگەن ەيەلدەر باعدارلاماسى – وتباسى بانك پەن ازييا دامۋ بانكٸنٸڭ بٸرلەسكەن جوباسى.
ونى ٸسكە اسىرۋعا ادب 38 ملرد تەڭگە كٶلەمٸندە قاراجات بٶلۋدٸ كٶزدەپ وتىر. 2021 جىلى «ۇماي» باعدارلاماسى باستالعان كەزدە, بٸرٸنشٸ ترانش اياسىندا, جالپى كٶلەمٸ 8,4 ملرد تەڭگەگە 954 قازاقستاندىق قىز-كەلٸنشەك قارىز الدى.
اتالمىش ٶنٸمگە دەگەن سۇرانىس ەسٸرەسە نۇر-سۇلتان, قاراعاندى جەنە اقتٶبە وبلىستارىنىڭ تۇرعىندارى اراسىندا كٶبٸرەك بولاتىن.
اۋدارىلاتىن ەكٸنشٸ ترانش كٶلەمٸ – 14 ملرد تەڭگەگە تەڭ بولماق. بيىل نەسيە الۋ تۋرالى ٶتٸنٸشتەر ناۋرىز ايىنىڭ ورتاسىنان قابىلدانادى.
بۇل تۋرالى وتباسى بانك كليەنتتەرٸنە قوسىمشا حابارلايدى. وسى جىلى ادب قارىز قاراجاتىن جوعارى مٶلشەرلەمە بويىنشا ورنالاستىراتىندىقتان, قارىز الۋشىلار ٷشٸن ول جىلدىق 13,5%-عا دەيٸن ۇلعايتىلدى.
«ۇماي» باعدارلاماسى – بٸرٸنشٸ تۇرعىن ٷي ساتىپ الۋعا مٷمكٸندٸك بەرەتٸن مەملەكەتتٸك باعدارلاما ەمەس.
ول تۇرعىن ٷي جاعدايىن جاقسارتۋ نەمەسە بالالارىنا جىلجىمايتىن مٷلٸك ساتىپ الۋ ماقساتىمەن, ەكٸنشٸ نەمەسە ٷشٸنشٸ تۇرعىن ٷي ساتىپ الۋدى كٶزدەپ وتىرعان, كٸرٸسٸ جوعارى ەيەلدەرگە ارنالعان.
ەلٸمٸزدٸڭ كٶپتەگەن قىز-كەلٸنشەكتەرٸ وتباسى بانكٸنەن العاشقى جارناسى تٶمەن, بالاباقشا, مەكتەپ, جۇمىسقا جاقىن بولاتىن جەردەن, ياعني ەكٸنشٸ نارىقتان تۇرعىن ٷي الۋعا مٷمكٸندٸك بەرەتٸن باعدارلاما شىعارۋدى سۇراعاندىقتان, «ۇماي» باعدارلاماسى پايدا بولدى.
بٷگٸنگٸ تاڭدا وتباسى بانكٸنٸڭ نەسيەلٸك پورتفەلٸندەگٸ ەيەلدەردٸڭ ٷلەسٸ قارىز الۋشى ەرلەرمەن سالىستىرعاندا جوعارى.
مەسەلەن, قارىزدار سانى بويىنشا ەيەلدەردٸڭ ٷلەسٸ – 57% بولسا, نەسيە سوماسى مەن بەرەشەك قالدىعى بويىنشا – 53% تەڭ.
سوڭعى 5 جىل ٸشٸندە ەيەلدەر وتباسى بانكٸنەن كرەديتتٸ ەرلەرگە قاراعاندا بەلسەندٸرەك الۋدا, ولاردىڭ كرەديتتٸك پورتفەلدەگٸ ٷلەسٸ ٶزگەرٸسسٸز 55-57% دەڭگەيٸندە.
