2019 جىلى «ەير استانا» FlyArystan قولجەتٸمدٸ ەۋە كومپانيياسىن ٸسكە قوسادى, دەپ حابارلايدى قازاقپارات تٸلشٸسٸ.
جاڭا ەۋە كومپانيياسى Easyjet, Indigo, Cebu Pacific, Air Asia حالىقارالىق لوۋكوستەرلەرٸنٸڭ ٷلگٸسٸ بويىنشا ارزان مودەلدە جۇمىس ٸستەيتٸن بولادى.
ەسكە سالا كەتسەك, 2 قاراشادا مەملەكەت باسشىسى ينۆەستيتسييالار جەنە دامۋ مينيسترٸ جەڭٸس قاسىمبەكتٸ, «سامۇرىق-قازىنا» اكتسيونەرلٸك قوعامى ديرەكتورلار كەڭەسٸنٸڭ مٷشەسٸ ريچارد ەۆانستى جەنە «ەير استانا» ەۋە كومپانيياسىنىڭ پرەزيدەنتٸ پيتەر فوستەردٸ قابىلداعان بولاتىن. كەزدەسۋ سوڭىندا مەملەكەت باسشىسى «ەير استانا» بازاسىندا بيۋدجەتتٸك ەۋە كومپانيياسىن قۇرۋدى تاپسىردى.
ەۋە كومپانيياسى ٶكٸلدەرٸنٸڭ ايتۋىنشا, FlyArystan قازٸرگٸ تاريفتەردەن ەكٸ ەسە ارزان تۇراتىن ەۋە بيلەتتەرٸن ۇسىنادى. ەۋە كومپانيياسى جولاۋشىلاردى 180 ورىنعا ارنالعان Airbus A320 ۇشاعىمەن تاسىمالدايتىن بولادى.
العاشقى ۋاقىتتى قازاقستاندىق لوۋكوستەر 4 ۇشاقتى پايدالانادى. 2022 جىلى ولاردىڭ سانى 15 ۇشاققا دەيٸن ارتادى.
«بيۋدجەتتٸك ەۋە كومپانيياسى قازاقستاننىڭ قالىڭ بۇقاراسىنا ارنالعان. بٸز ٶڭٸرلەردەگٸ قاراپايىم تۇرعىنداردىڭ ۇشاقپەن ۇشقانىن قالايمىز. بۇل - بٸزدٸڭ ميسسييامىز. سٸز ٶزٸڭٸزگە كەز كەلگەن ەۋە كومپانيياسىن تاڭداي الاسىز. ەگەر جولاۋشىنىڭ جٷگٸ بولماسا, ول لوۋكوستەردٸ پايدالانا الادى. جاڭا تاسىمالداۋشى بارلىق حالىقارالىق قاۋٸپسٸزدٸك تالاپتارىنا ساي بولادى», - دەدٸ «ەير استانا» اق پرەزيدەنتٸ پيتەر فوستەر.
سونداي-اق, Air Astana پرەزيدەنتٸ جاڭا ەۋە كومپانيياسىنىڭ باسشىسى تيم دجورداندى تانىستىردى. ول Cebu Pacific جەنە Virgin Blue سيياقتى بيۋدجەتتٸك ەۋە كومپانييالارىندا 15 جىل بويى جۇمىس ٸستەگەن.
ونىڭ ايتۋىنشا, جاڭا كومپانييا اكتسيونەرلەردٸڭ ينۆەستيتسييالارىن, مەملەكەتتٸك سۋبسيدييالاردى نەمەسە سىرتقى قارجى قولداۋىن جۇمىلدىرمايدى.
«Air Astana-دا ۇشقىشتار دايىنداۋ جوعارى حالىقارالىق دەڭگەيدە, بٸزدە دە سونداي بولادى. بٸز سونداي دەڭگەيدٸ ۇستاپ تۇرامىز», - دەدٸ FlyArystan ۇشۋ ٶندٸرٸسٸ دەپارتامەنتٸنٸڭ جەتەكشٸسٸ بەردٸحان اگمۋروۆ.
FlyArystan 2019 جىلدىڭ كٶكتەمٸنەن ۇشۋدى باستاۋدى جوسپارلاپ وتىر. ەۋە كومپانيياسى قازاقستاننىڭ بٸرنەشە قالاسىنا رەيس جاساماق.
«ۇشۋ كەستەسٸ مەن باعىتتار جيٸلٸگٸ 2019 جىلدىڭ ناۋرىز ايىنىڭ باسىندا بەلگٸلٸ بولادى. كەز كەلگەن ازامات ناۋرىزدىڭ باسىندا بيلەتتەردٸ برونداي الادى. بولاشاقتا بٸز قازاقستاننىڭ بارلىق ەۋەجايلارىن قامتيمىز. بٸزدە الماتى-اقتاۋ ەڭ ۇزاق مارشرۋت بولىپ وتىر. ونىڭ ۇشۋ ۋاقىتى 3,5 ساعاتقا سوزىلادى. FlyArystan ۇشاقتارى جولدا جانارماي قۇيۋ ٷشٸن توقتاماي-اق, تٸكەلەي رەيس جاساي الادى», - دەدٸ AirArystan ەۋە كومپانيياسىنىڭ جوسپارلاۋ جٶنٸندەگٸ ديرەكتورى رافاەل تايجانوۆ.
ايتا كەتسەك, قر ينۆەستيتسييالار جەنە دامۋ مينيسترٸ جەڭٸس قاسىمبەك جاڭا بيۋدجەتتٸك كومپانييانىڭ ورتاشا باعاسى شامامەن 16-18 مىڭ تەڭگە ارالىعىندا بولاتىنىن اتاپ ٶتكەن بولاتىن. بيلەت قۇنى تەك ورىن ٷشٸن الىنادى. جٷك پەن تاماقتىڭ اقىسىن بٶلەك تٶلەۋگە بولادى. سونىڭ ەسەسٸنەن ٸشكٸ رەيستەردٸڭ باعاسى بٸراز ارزانداي تٷسپەك.
