قازاقستاندا 10 مامىردا 1766 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا شامامەن 400 ادامعا از. ەدەتتە دەمالىس كٷندەرٸنەن كەيٸن سالىستىرمالى تٷردە از ناۋقاس تٸركەلەدٸ. بۇل سونداي قۇبىلىستىڭ كٶرٸنٸسٸ بولۋى مٷمكٸن. دەنساۋلىق ساقتاۋ مينيسترلٸگٸ كوروناۆيرۋس پنەۆمونيياسى مەن ادام ٶلٸمٸ بويىنشا ەكٸ كٷن بۇرىنعى مەلٸمەتتٸ جارييالاپ كەلەدٸ. 9 مامىردا 25 ادام ٶلٸمٸ تٸركەلگەن: 20 ادام – كوروناۆيرۋستان, 5 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
ٶتكەن تەۋلٸكتە الماتىدا – 430, قاراعاندى وبلىسىندا – 262, نۇر-سۇلتاندا – 249, الماتى وبلىسىندا – 125, پاۆلودار وبلىسىندا – 119, اقمولا وبلىسىندا 114, باتىس قازاقستان وبلىسىندا 108 ادامنان كوروناۆيرۋس انىقتالدى. شىمكەنتتە – 75, اقتٶبە وبلىسىندا – 24, اتىراۋ وبلىسىندا – 38, شىعىس قازاقستان وبلىسىندا – 79, جامبىل وبلىسىندا – 42, قوستاناي وبلىسىندا – 25, قىزىلوردا وبلىسىندا – 27, ماڭعىستاۋ وبلىسىندا – 13, سولتٷستٸك قازاقستان وبلىسىندا – 12, تٷركٸستان وبلىسىندا 24 ناۋقاس تٸركەلگەن.
ەلدە كوروناۆيرۋس العاش انىقتالعالى بەرٸ (2020 جىلدىڭ 13 ناۋرىزى) 346 497 ادامنىڭ Covid تەستٸ وڭ شىققان. 3948-ٸ قايتىس بولعان. ٷكٸمەت قۇرعان ارنايى كوميسسييا اعزاسىنان ۆيرۋس تابىلسا دا "كوروناۆيرۋستان ەمەس, باسقا اۋرۋدان قايتىس بولدى" دەگەن 1,5 مىڭنان استام ادام ٶلٸمٸ رەسمي ستاتيستيكاعا ەنگٸزٸلمەگەن.
قازاقستان بيلٸگٸ پنەۆمونييانىڭ كوروناۆيرۋسقا ۇقساس تٷرٸن ٶتكەن جىلدىڭ 1 تامىزىنان بەرٸ ەسەپكە الا باستادى. سودان بەرٸ 53 571 ادامعا كوروناۆيرۋس پنەۆمونيياسى دياگنوزى قويىلعان. 837-ٸ قايتىس بولعان.
ۆاشينگتون (اقش) ۋنيۆەرسيتەتٸ مەديتسينا مەكتەبٸنٸڭ دەنساۋلىق كٶرسەتكٸشتەرٸ جەنە باعالاۋ ينستيتۋتىنىڭ (IHME) زەرتتەۋٸندە قازاقستاندا كوروناۆيرۋس ينفەكتسيياسىنان قايتىس بولعاندار سانى رەسمي ستاتيستيكادا كٶرسەتٸلگەننەن 14,5 ەسە كٶپ ەكەنٸ ايتىلعان. IHME ەسەبٸ بويىنشا, قازاقستاندا Covid-19 سالدارىنان 81 696 ادام قايتىس بولعان.
9 مامىردا قازاقستان دەنساۋلىق ساقتاۋ مينيسترلٸگٸ IHME ەسەبٸندە كٶرسەتٸلگەن مەلٸمەتتٸ جوققا شىعاردى. مينيسترلٸك "پاندەمييا باستالعاننان بەرٸ قازاقستاندا كوروناۆيرۋس ينفەكتسيياسىنان 6575 ادام قايتىس بولدى" دەپ مەلٸمدەدٸ.
ۇلتتىق ستاتيستيكا بيۋروسىنىڭ دەرەكتەرٸنە سٸلتەمە جاساعان مينيسترلٸك, "2020 جىلدىڭ قورىتىندىسى بويىنشا كوروناۆيرۋس ينفەكتسيياسىنان - 4729 ادام, ال 2021 جىلدىڭ 4 ايىندا ودان 1846 ادام قايتىس بولدى" دەگەن دەرەك كەلتٸردٸ.
ۇلتتىق ستاتيستيكا بيۋروسىنىڭ مەلٸمەتٸ بويىنشا, 2020 جىلى 11 ايدا قازاقستاندا بارلىعى 149 مىڭنان استام ادام قايتىس بولعان. بۇل 2019 جىلعى سونداي كەزەڭمەن سالىستىرعاندا 27 مىڭ ادامعا (22%) ارتىق. دەنساۋلىق ساقتاۋ مينيسترلٸگٸ بىلتىرعى ارتىق ٶلٸم-جٸتٸمنٸڭ اراسىندا كوروناۆيرۋس ينفەكتسيياسىنان قايتىس بولعان 4729 ادامدا قوسپاعاندا, ٶزگەلەرٸنٸڭ اجالى باسقا دەرتتەن: قان اينالىمى جٷيەسٸنٸڭ, تىنىس الۋ ورگاندارىنىڭ, جٷيكە جٷيەسٸنٸڭ اۋرۋلارى, جۇقپالى جەنە پارازيتتٸك اۋرۋلاردان بولعان دەيدٸ.
11 مامىر كٷنگٸ مەلٸمەت بويىنشا, قازاقستاندا 1,6 ملن ادامعا كوروناۆيرۋسقا قارسى ۆاكتسينانىڭ كەمٸندە العاشقى دوزاسى سالىنعان. 625 مىڭنان استام ادام ۆاكتسينانىڭ ەكٸ دوزاسى سالىنعان.
سونداي-اق, 11 مامىرداعى مەلٸمەت بويىنشا, ەلٸمٸزدە 41 094 ادام كوروناۆيرۋس ينفەكتسيياسىنان (40 692 كۆي+ جەنە 402 كۆي-) ەم الىپ جاتىر.
ونىڭ ٸشٸندە 15 068 پاتسيەنت ستاتسيوناردا, 26 026 ناۋقاس امبۋلاتورييالىق دەڭگەيدە ەم قابىلداۋدا.
كوروناۆيرۋسقا شالدىققاندار اراسىندا:
• 802 ادامنىڭ جاعدايى اۋىر
• 186 پاتسيەنتتٸڭ جاعدايى ٶتە اۋىر
• 105 ناۋقاس ٶجج اپپاراتىندا جاتىر.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە كوروناۆيرۋس جۇقتىرعاندار 158,6 ملن ادامعا جەتكەن. 3 ملن 299 مىڭ ادام ۆيرۋستان قايتىس بولعان. 94,6 ملن ادام جازىلعان.
