قازاقستاندىقتاردىڭ تابىسىن ارتتىرۋعا ارنالعان ارنايى باعدارلاما ەزٸرلەنٸپ جاتىر. بۇل تۋرالى قر پرەمەر-مينيسترٸ ەليحان سمايىلوۆ مەلٸم ەتتٸ, دەپ حابارلايدى قازاقپارات اگەنتتٸگٸ.
«كەسٸپكەرلٸكتٸ دامىتۋ ٷكٸمەتتٸڭ 2022 جىلعا ارنالعان ٸس-قيمىل باعدارلاماسىندا ايقىندالعان جاڭا ەكونوميكالىق باعىتتىڭ بٸرٸ. جوسپاردا مەملەكەت باسشىسىنىڭ تاپسىرماسى بويىنشا بيزنەسكە قاتىستى كارانتيندٸك شارانى جەڭٸلدەتۋدٸ قايتا قارادى. سونداي-اق تاريفتەردٸ, ونىڭ ٸشٸندە كٶلٸك جەنە لوگيستيكا سالاسىنداعى تابيعي مونوپوليستەردٸڭ قىزمەتتەرٸنە تٶمەندەتۋ شاراسى قابىلداندى», - دەدٸ ەليحان سمايىلوۆ ەلوردادا ٶتٸپ جاتقان «اتامەكەن» ۇلتتىق كەسٸپكەرلەر پالاتاسىنىڭ كەزەكتەن تىس ٸح سەزٸندە.
ونىڭ ايتۋىنشا, قازٸرگٸ ۋاقىتتا ٷكٸمەت قاڭتار ايىنداعى وقيعالار بارىسىندا شاعىن جەنە ورتا بيزنەسكە كەلگەن مٷلٸكتٸك زيياندى قالپىنا كەلتٸرۋ جۇمىستارى جٷرٸپ جاتىر.
«حالىقتىڭ تابىسىن ارتتىرۋدىڭ ارنايى باعدارلاماسى ەزٸرلەنۋدە. ونىڭ ٸشٸندە جۇمىسپەن قامتۋ ٸسٸن جالعاستىرۋ, يندۋسترييالىق جەنە اۋىل شارۋاشىلىعى جوبالارىن ٸسكە اسىرۋ جوسپارى بار. سونىمەن قاتار ٶندٸرٸستٸ تەحنولوگييالىق جاڭعىرتۋ, حالىق كٸرٸسٸندەگٸ تەڭگەرٸمسٸزدٸكتٸ تەڭەستٸرۋ جەنە ادامي كاپيتالدى دامىتۋ جٶنٸندەگٸ شارالار جوسپارلانىپ وتىر. حالىقتىڭ تابىسىن ارتتىرۋ ٷشٸن دە, بيزنەستٸ تابىستى جٷرگٸزۋ ٷشٸن دە ينفلياتسييا دەڭگەيٸن تٶمەندەتۋ ماڭىزدى», - دەيدٸ ول.
سونداي-اق, ٷكٸمەت باسشىسى جاھاندىق پاندەميياعا بايلانىستى ەلەم ەلدەرٸندە ينفلياتسييانىڭ ٶسۋٸ ساقتالىپ تۇرعانىن ايتتى.
