قر وقۋ-اعارتۋ مينيسترلٸگٸ ەلٸمٸزدٸڭ كوللەدجدەرٸندە سىرتتاي وقىتۋعا ارنالعان ماماندىقتار تٸزٸمٸن قىسقارتتى. ەندٸ ستۋدەنتتەر تەك 23 ماماندىق بويىنشا وقي الادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"سالىستىرمالى تٷردە ايتا كەتسەك, ەكٸ جىلدان استام ۋاقىت بۇرىن 595 بٸلٸكتٸلٸك بويىنشا سىرتتاي بٸلٸم الۋعا بولاتىن ەدٸ. بٸراق وقىتۋدىڭ بۇل تٷرٸ ستۋدەنتتەرگە ساپالى ماشىقتاردى, داعدىلاردى بەرە المايدى. وسىنىڭ سالدارىنان تٷلەكتەر وقۋدى بٸتٸرگەننەن كەيٸن پراكتيكالىق بٸلٸمنٸڭ جەتٸسپەۋشٸلٸگٸمەن جيٸ كەزدەسٸپ, جۇمىس تابا الماي جاتادى. وسىعان بايلانىستى مينيسترلٸك سىرتتاي وقۋداعى ماماندىقتاردى قىسقارتۋ بويىنشا جۇمىستى كەزەڭ-كەزەڭٸمەن جٷرگٸزٸپ جاتىر" - دەلٸنگەن حابارلامادا.
بۇل جولى «راديوەلەكتروندى كٶلٸك قۇرالدارىن پايدالانۋ جەنە تەحنيكالىق قىزمەت كٶرسەتۋ (كٶلٸك تٷرٸ بويىنشا)» سيياقتى ماماندىقتار بويىنشا, سونداي-اق «تەحنيك-ەلەكترونيك» بٸلٸكتٸلٸگٸ, «تەحنيك-تەحنولوگ بٸلٸكتٸلٸگٸ بويىنشا «پايدالى قازبالاردى ٶڭدەۋ (كٶمٸر دايىنداۋ)», «تەحنيك-قۇرىلىسشى» بٸلٸكتٸلٸگٸ بويىنشا «قالالىق كوممۋنيكاتسييالاردى سالۋ جەنە پايدالانۋ», «تازالاۋ قۇرىلىستارىنىڭ تەحنولوگ-تەحنولوگى بٸلٸكتٸلٸگٸ بويىنشا «سۋمەن جابدىقتاۋ جەنە سۋ بۇرۋ جٷيەلەرٸن تازارتۋ قۇرىلىستارىن پايدالانۋ» جەنە ت.ب. بٸلٸكتٸلٸك بويىنشا سىرتتاي وقىتۋ الىنىپ تاستالعان.
«بٷگٸنگٸ تاڭدا قازاقستاندىق كوللەدجدەردە كادرلاردى دايارلاۋدا دۋالدى وقىتۋ تٷرٸ بەلسەندٸ تٷردە دامىپ كەلەدٸ. ياعني كادر دايارلاۋدا كوللەدجدەر ٸرٸ كەسٸپورىندارمەن, بيزنەسپەن تىعىز بايلانىستا جۇمىس ٸستەيدٸ. ٶيتكەنٸ ولارعا قانداي ماماندار قاجەت ەكەنٸن ەڭبەك نارىعى انىقتايدى. سوندىقتان بٸز سىرتتاي وقۋ تٷرٸنەن بەلسەندٸ تٷردە الشاقتاپ جاتىرمىز جەنە مۇنداي شەشٸم قابىلداۋعا تٷلەكتەردٸڭ وقۋدى بٸتٸرگەننەن كەيٸن الاتىن بٸلٸم مەن داعدىلاردىڭ ساپاسىنىڭ جەتكٸلٸكسٸزدٸگٸ سەبەپ بولدى. بٸز مۇنى كەزەڭ-كەزەڭٸمەن جٷرگٸزٸپ جاتىرمىز جەنە بۇل جۇمىس ەلٸ دە جالعاسىن تابادى. دۋالدى وقىتۋ كەزٸندە ٶندٸرٸستٸك وقىتۋ مەن كەسٸپتٸك پراكتيكانىڭ كەمٸندە 60%-ى قامتاماسىز ەتٸلەتٸنٸن, وسىلايشا ستۋدەنتتەردٸڭ وقۋ ۋاقىتىنىڭ جارتىسىنان كٶبٸ ٶندٸرٸستە بولاتىنىن اتاپ ٶتەمٸن. بۇل تەسٸل بولاشاق تٷلەكتەردٸڭ بٸلٸم ساپاسى مەن بٸلٸكتٸلٸگٸن ارتتىرادى جەنە ولاردىڭ ەرٸ قاراي جۇمىسقا ورنالاسۋىن قامتاماسىز ەتەدٸ», - دەدٸ قر وقۋ-اعارتۋ مينيسترلٸگٸ تەحنيكالىق جەنە كەسٸپتٸك بٸلٸم دەپارتامەنتٸ ديرەكتورىنىڭ مٸندەتٸن اتقارۋشى ەرنات جٷنٸسوۆ.
