توكيوداعى وليمپيادادا قازاقستان سپورتشىلارىنىڭ نەتيجەسٸنە تيٸستٸ مەملەكەتتٸك قۇرىلىمدار تالداۋ جاسايدى, دەپ حابارلايدى "ۇلت اقپارات".
«الداعى اپتالاردا قر ۇلتتىق وليمپيادا كوميتەتٸ رەسپۋبليكالىق فەدەراتسييالارمەن ەرٸ مەدەنيەت جەنە سپورت مينيسترلٸگٸمەن بٸرلەسە وليمپيادادا ۇلتتىق قۇراما كوماندالاردىڭ نەتيجەسٸ مەن دايىندىعىنا قاتىستى تالداۋ جۇمىسىن جٷرگٸزەدٸ. 10 قىركٷيەككە دەيٸن سپورت فەدەراتسييالارى وليمپيادا ويىندارىنا قاتىسۋ بويىنشا تىڭعىلىقتى ەسەپتٸ ۇسىنادى. وندا سپورتشىلاردىڭ سەتتٸ نەمەسە نەتيجەسٸز ٶنەر كٶرسەتۋٸ مەسەلەسٸنە قاتىستى تالداۋ بولادى. قىركٷيەكتٸڭ سوڭىنا قاراي بٸز سوڭعى قورىتىندىنى شىعارامىز. وسىدان كەيٸن قاتەلٸكتەردٸ تٷزەتۋ مەن كەلەسٸ وليمپيادالىق تسيكلگە دايىندىق جۇمىستارى باستالادى», - دەدٸ ۇوك باس حاتشىسى اندرەي كريۋكوۆ ورتالىق كوممۋنيكاتسييالار قىزمەتٸندە.
ونىڭ پايىمىنشا, توكيوعا جاقسى كوماندا باردى.
«نەتيجەگە قاراماستان, بٸزدٸڭ سپورتشىلاردىڭ ەرقايسىسىمەن ماقتان تۇتامىز. ولار پاندەمييا جاعدايىندا دايىندىقتىڭ قيىن كەزەڭٸن ەڭسەردٸ. ولارعا دەيٸن ەشكٸم دە وسىنداي احۋالعا تاپ بولمادى», - دەدٸ اندرەي كريۋكوۆ.
ال قازاقستان بوكس فەدەراتسيياسىنىڭ باپكەرلٸك مەسەلەلەر جٶنٸندەگٸ ۆيتسە-پرەزيدەنتٸ, مەملەكەتتٸك جاتتىقتىرۋشى باقتييار ارتاەۆ بوكسشىلار كومانداسىنىڭ نەتيجەسٸن "سەتسٸزدٸك" دەپ اتادى.
"ەر نەرسەنٸ ٶز اتىمەن اتايتىن ۋاقىت كەلدٸ عوي, "سەتسٸزدٸك" دەپ ايتقان ٶتە ورىندى شىعار. ٶيتكەنٸ ٶتە تٶمەن نەتيجە بولدى. قازٸر كٶشەگە شىقساق, بەرٸ بوكس احۋالىن ايتادى. سوندىقتان بٸز ٷشٸن ٶتە ناشار كٶرسەتكٸش, ەشكٸمدٸ اقتامايمىز, ٶزٸمٸزدٸ دە اقتامايمىز", - دەپ اتاپ كٶرسەتتٸ ارتاەۆ.
ونىڭ ايتۋىنشا, الداعى ۋاقىتتا بوكسشىلاردى دايىنداۋ جٷيەسٸ ٶزگەرۋٸ مٷمكٸن. سەبەبٸ قازاقستاندا ەلٸ كٷنگە دەيٸن كەڭەستٸك جٷيەنٸ قولدانىلادى.
"بٸز سوۆەت ٷكٸمەتٸنٸڭ دايىندىعىنان ەلٸ كٷنگە دەيٸن ارىلا الماي كەلە جاتىرمىز. كٷنٸنە ٷش مەزگٸل دايىندىقتىڭ ٶزٸ بالالارعا ٶتە اۋىر. سوندىقتان دايىندىق كەزەڭٸ ٶزگەرۋٸ مٷمكٸن. باپكەرلەر مەسەلەسٸن قاراستىرامىز جەنە بوكسشىلار راتسيونىن دا ٶزگەرتەتٸن شىعارمىز", - دەدٸ ارتاەۆ.
وسى ورايدا جۋرناليستەر ەلەۋمەتتٸك جەلٸدە بوكسشىلاردىڭ باس باپكەرٸ عالىمبەك كەنجەباەۆتى جيٸ سىنعا الىپ جاتقانىن ەسكە سالدى. تٸپتٸ, ونى وتستاۆكاعا جٸبەرۋ كەرەك دەيدٸ. ارتاەۆ وسى مەسەلەگە قاتىستى شەشٸم بار ەكەنٸن جەتكٸزدٸ.
"بۇل سۇراققا جاۋاپ دايىن. شامالى سابىر ەتسەڭٸزدەر, بۇل سۇراقتاردىڭ بەرٸنە ٸس جٷزٸندە جاۋاپ بەرەمٸز. بٸر اپتا كٶلەمٸندە شامالى ۋاقىت بەرٸڭٸزدەر", - دەيدٸ ارتاەۆ.
ايتا كەتەرٸ, توكيو وليمپياداسىنا 97 قازاقستاندىق سپورتشى بارعان. ولاردىڭ ٸشٸندە 8 ادام عانا جٷلدەگە ٸلٸندٸ. بارلىعى قولا مەدالمەن ەلگە قايتتى. ال بوكسشىلار ەكٸ قولانى قاناعات تۇتتى.
