بٷگٸننەن باستاپ ەلٸمٸزدە ادامنىڭ سوتتالعانى-سوتتالماعانى تۋرالى انىقتامانى بەرۋ مەرزٸمٸ 22 كٷننەن 8 جۇمىس كٷنٸنە دەيٸن قىسقارتىلىپ وتىر. اتالعان كومپوزيتتٸك قىزمەتتٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسى قر باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ كوميتەتٸمەن بٸرلەسە وتىرىپ ٸسكە قوستى, دەپ حابارلايدى قازاقپارات تٸلشٸسٸ.
مەملەكەتتٸك كورپوراتسييانىڭ باسشىسى ابىلايحان وسپانوۆتىڭ ايتۋىنشا, اتالعان قىزمەت پيلوتتىق جوبا رەتٸندە قولعا الىنىپ وتىر. ول شەتەلگە شىعاتىن ازاماتتار ٷشٸن ىڭعايلى بولىپ تۇر. سەبەبٸ ونداي انىقتامانىڭ اپوستيلٸ (حالىقارالىق ٷلگٸدە جاسالعان كۋەلٸك, وعان مٶر باسۋدىڭ قاجەتٸ جوق - اۆت.) دە بار. «بۇرىن ازامات سوتتىلىعىنىڭ بارى نەمەسە جوعى تۋرالى اپوستيل قويىلعان انىقتاما الۋ ٷشٸن حالىققا قىزمەت كٶرسەتۋ ورتالىقتارىنا ەكٸ مەرتە باراتىن ەدٸ. باستاپقىدا - سوتتالماعاندىعى تۋرالى انىقتاما الۋ ٷشٸن, وعان 5 جۇمىس كٷنٸ كەتەتٸن. ودان كەيٸن - اپوستيل قويعىزۋ ٷشٸن, ونى ەزٸرلەۋ مەرزٸمٸ كٷنتٸزبەلٸك 17 كٷندٸ قۇرايتىن. وسىنىڭ بارلىعى شامامەن 22 كٷندە جاسالدى. قازٸرگٸ كەزدە ازامات اپوستيل مٶرتابانى قويعىزىلعان, سوتتالماعاندىعى تۋرالى انىقتاما الۋعا بٸر ٶتٸنٸش بەرەدٸ, ال وسى قىزمەتتٸ كٶرسەتۋ مەرزٸمٸ سەگٸز جۇمىس كٷنٸنە دەيٸن قىسقارتىلدى», - دەيدٸ ا. وسپانوۆ.
ايتا كەتەيٸك, اتالعان قىزمەتتٸ الۋ ٷشٸن ازامات جەكە باسىن كۋەلاندىراتىن قۇجاتتى (نەمەسە كليەنتتٸڭ مٷددەسٸن ٷشٸنشٸ تۇلعا بٸلدٸرگەن كەزدە - نوتاريالدى كۋەلاندىرىلعان سەنٸمحات), مەملەكەتتٸك باج سالىعىن تٶلەگەنٸ تۋرالى تٷبٸرتەكتٸ, سونىمەن بٸرگە حقكو-دا ٶتٸنٸشتٸ تولتىرۋى قاجەت.
