قازاقستاندا 2010 جىلى تٷرمەدە جازاسىن ٶتەۋشٸ ازاماتتاردىڭ سانى 63 مىڭ بولسا, قازٸرگٸ ۋاقىتتا ولاردىڭ سانى 30 مىڭعا دەيٸن ازايعان. مۇنداي ستاتيستيكانى قىلمىستىق اتقارۋ جٷيەسٸ كوميتەتٸنٸڭ تٶراعاسى جانات ەشماعامبەتوۆ كەلتٸردٸ, دەپ حابارلايدى قازاقپارات.
«ٶزدەرٸڭٸز بٸلەتٸندەي, ەۋروپالىق ەلدەردٸڭ تەجٸريبەسٸنە سٷيەنە وتىرىپ, قىلمىستىق, قىلمىستىق-پروتسەسسۋالدىق, قىلمىستىق-اتقارۋ كودەكستەرٸ مەن «پروباتسييا تۋرالى» زاڭدى قابىلداۋ جولىمەن قازاقستان وقشاۋلاۋمەن بايلانىسى جوق قىلمىستىق جازا تٷرلەرٸن قولدانۋ اياسىن كەڭەيتٸپ كەلەدٸ. وسىدان ون جىل بۇرىن, 2010 جىلى تٷرمەدە جازاسىن ٶتەۋشٸلەردٸڭ سانى بويىنشا قازاقستان 31-شٸ ورىندا تۇرعان ەدٸ. قازٸر بٸز 100-شٸ ورىندامىز. ناقتىراق ايتقاندا, ەلٸمٸزدە 100 مىڭ ادامعا شاققانداعى تٷرمەدە جازاسىن ٶتەۋشٸلەردٸڭ سانى 202 ادامدى قۇرايدى», - دەدٸ جانات ەشماعامبەتوۆ IX ازاماتتىق فورۋم جۇمىسىنىڭ تاقىرىپتىق سەسسيياسىندا.
ياعني 2010 جىلى قازاقستاندا تٷرمەدە جازاسىن ٶتەۋشٸلەردٸڭ سانى 63 مىڭ بولسا, قازٸرگٸ ۋاقىتتا ەكٸ ەسە ازايىپ, 30 مىڭدى قۇراپ وتىر. ال پروباتسيياعا جاتاتىن ازاماتتاردىڭ سانى 33 مىڭنان 60 مىڭعا دەيٸن ارتقان.
«قازاقستاندا پروباتسييا ينستيتۋتى مەملەكەتتٸك جەنە جەرگٸلٸكتٸ اتقارۋشى ورگانداردىڭ, قوعامدىق بٸرلەستٸكتەردٸڭ ٶكٸلدەرٸنٸڭ قاتىسۋىمەن جٷزەگە اسىپ كەلەدٸ. بٸزدٸڭ زاڭناما پروباتسييانىڭ تولىققاندى تسيكلىن جولعا قويعان», - دەيدٸ ول.
