ەلٸمٸزدە سوڭعى 10 جىلدا بالا تۋۋ كٶرسەتكٸشٸ 4,3 پايىزعا ارتتى, دەپ حابارلايدى قازاقپارات.
بۇل تۋرالى «قازاقستانداعى بالالار سەمٸزدٸگٸنٸڭ تارالۋىن زەرتتەۋ» كونفەرەنتسيياسىندا بالالار دەنساۋلىعى بويىنشا ەلدەگٸ جاعدايعا توقتالعان قر دسم انا مەن بالا دەنساۋلىعىن قورعاۋ دەپارتامەنتٸ ديرەكتورىنىڭ ورىنباسارى ولجاس ىسقاقوۆ ايتتى.
«قازاقستاندا سوڭعى 10 جىلدا بالا تۋۋ كٶرسەتكٸشٸ 4,3 پايىزعا ارتتى. بىلتىر شىمكەنت قالاسى, ماڭعىستاۋ, تٷركٸستان, قىزىلوردا, اتىراۋ, الماتى, جامبىل, اقتٶبە وبلىستارى مەن ەلوردادا دٷنيە ەسٸگٸن اشقان نەرەستەلەر كٶبەيگەن. 1 جاسقا دەيٸنگٸ سەبيلەر اراسىندا تىنىس الۋ جٷيەسٸندەگٸ اۋرۋلار (49,7 پايىز) جيٸ كەزدەسەدٸ. ال 18 جاسقا دەيٸنگٸ بالالار اراسىندا اس قورىتۋ جٷيەسٸنٸڭ اۋرۋلارى – 9,4%, جٷيكە جٷيەسٸنٸڭ اۋرۋلارى – 6,1%, كٶز اۋرۋلارى – 5,2%, قان اۋرۋلارى – 5,1% تٸركەلدٸ», - دەدٸ ول.
ٶتكەن جىلى ەل اۋماعىندا 447 290 بالانىڭ كٸندٸگٸ كەسٸلگەن. ونىڭ ٸشٸندە 25 776 نەرەستە شالا تۋىلدى.
«بىلتىر 5 ملن 600 مىڭ بالا مەديتسينالىق پروفيلاكتيكالىق تەكسەرٸستەن ٶتۋٸ تيٸس بولعان. الايدا تەك 4,5 ملن بالا تەكسەرٸلدٸ. بۇعان كوروناۆيرۋسقا بايلانىستى كارانتين شەكتەۋلەرٸنٸڭ كٷشەيتٸلۋٸ, وقۋشىلاردىڭ ونلاين فورماتتا وقۋى سەبەپ بولعان. تەكسەرٸلگەن بالالاردىڭ 7,4 پايىزىنان العاش رەت قانداي دا بٸر سىرقات انىقتالدى», - دەدٸ ولجاس ىسقاقوۆ.
