قازاقستاندا ساتىپ الىنعان ٷش كٶلٸكتٸڭ ەكەۋٸ - وتاندىق كٶلٸك, دەپ حابارلايدى "ۇلت اقپارات" ييدم باسپاسٶز قىزمەتٸنە سٸلتەمە جاساپ.
ەلٸمٸزدە بٸر جىلدا 75 مىڭ كٶلٸك شىعارىلدى. وعان بارلىق تيپتەگٸ كٶلٸك قۇرالى - اۆتوموبيل, جٷك كٶلٸگٸ, اۆتوبۋس, ارنايى تەحنيكالار كٸرەدٸ.
«جالپى, ماشينا جاساۋ سالاسىنداعى اۆتوموبيل شىعارۋ سەكتورىنىڭ ٷلەسٸ 2019 جىلعى 26,3% بولسا, 2020 جىلى 33,4%-كە جەتتٸ. ٶڭدەۋ ٶنەركەسٸبٸندە اۆتوموبيل جاساۋ ٷلەسٸ 4,6% دەيٸن ٶستٸ (2019 جىلى-3,2%).
جاقىن ەلدەرگە 8 122 اۆتوموبيل ەكسپورتتالدى. بۇل ارعى جىلدىڭ كٶرسەتكٸشٸنەن 3 ەسە كٶپ. ونىڭ ٸشٸندە رەسەي, ٶزبەكستان, بەلارۋس جەنە قىرعىزستاندا قازاقستاندا شىعارىلعان Hyundai, Chevrolet جەنە JAC برەندتەرٸنە سۇرانىس جوعارى», دەلٸنگەن حابارلامادا.
2020 جىلى ەلٸمٸزدٸڭ ازاماتتارى 93 مىڭنان استام جاڭا تەحنيكا ساتىپ الىپ, ارعى جىلدىڭ كٶرسەتكٸشٸنەن 25% اسىپ تٷستٸ (75 156).
«وسى رەتتە ەلٸمٸزدە ساتىپ الىنعان ٷش اۆتوموبيلدٸڭ ەكەۋٸ وتاندىق ٶندٸرٸس ٶنٸمٸ ەكەنٸن ايتۋ كەرەك. ٶتكەن جىلعى ەڭ تانىمال برەندتەر Hyundai, Chevrolet جەنە Toyota بولدى. ەڭ تانىمال بەس برەندتٸڭ تٶرتەۋٸ وتاندىق ٶندٸرٸس ٶنٸمٸ (Hyundai, Chevrolet, Ravon جەنە Lada).
2020 جىلى اۆتوموبيل ٶنەركەسٸبٸندە قول جەتكٸزٸلگەن تابىستى كٶرسەتكٸشتەرگە ٷكٸمەت پەن مينيسترلٸك تاراپىنان قابىلدانعان جەنە وتاندىق زاۋىتتار ٸسكە اسىرعان ناقتى شەشٸمدەر وڭ ەسەر ەتتٸ», دەلٸنگەن حابارلامادا.
