ازاماتتىق قوعامدى كٶلەڭكەلٸ ەكونوميكاعا قارسى ٸس-قيمىلعا تارتۋ ماقساتىندا مەملەكەتتٸك كٸرٸستەر كوميتەتٸ بٸرقاتار پيلوتتىق جوبالاردى جٷزەگە اسىرۋدا. بۇل تۋرالى ورتالىق كوممۋنيكاتسييالار الاڭىندا ٶتكەن باسپاسٶز مەسليحاتىندا كوميتەت باسشىسى مارات سۇلتانعازيەۆ ايتتى, دەپ حابارلايدى قازاقپارات.
اتاپ ايتقاندا, ٶز تابىسىن جاسىراتىن ازاماتتاردى انىقتاۋعا باعىتتالعان «ازاماتتىق باقىلاۋ - تٷبٸرتەك تالاپ ەتۋ» جوباسى جٷزەگە اسىرىلۋدا. جوبا بارىسىندا Wipon موبيلدٸ قوسىمشاسى ارقىلى تٷبٸرتەكتٸڭ بەرٸلمەگەنٸ تۋرالى 16,5 مىڭ حابارلاما كەلٸپ تٷسكەن. ونىڭ 5,5 مىڭى راستالىپ, ولار ٷشٸن 4,5 ملن تەڭگە كٶلەمٸندە سىياقى تٶلەنگەن.
سونىمەن قاتار مارات سۇلتانعازيەۆ «دەرٸ-دەرمەكتەرگە ارنالعان ەلەكتروندى شوت-فاكتۋرا شىعارۋ بويىنشا» پيلوت تۋرالى ايتىپ ٶتتٸ. جوبا كەز-كەلگەن تٷردەگٸ دەرٸ-دەرمەكتەردٸ باقىلاۋ ماقساتىندا 2020 جىلى باستالعان. قاتىسۋشىلار سانى 6,7 مىڭعا دەيٸن ٶسكەن.
«ازاماتتىق بەلسەندٸلٸكتٸ ارتتىرۋدىڭ تاعى بٸر ماڭىزدى جوباسى – ارنايى بەينە جەنە فوتوگرافييالىق قۇرالداردى قولداناتىن «ۆيزۋالدى تەكسەرۋ» پيلوتى. QR كودتارى مكك ۆەب-سايتىندا جاسالىپ, ونىڭ كٶمەگٸمەن ساتىپ الۋشى ساتۋشىنى انىقتاي الادى. بۇل باعىتتاعى تٷسٸندٸرۋ جۇمىستارى باستالىپ كەتتٸ. ەاەو شەڭبەرٸندە تاۋار اينالىمىنىڭ باقىلانۋىن قامتاماسىز ەتۋ ماقساتىندا 2021 جىلدان باستاپ «ۆيرتۋالدى قويما» مودۋلٸندە رەسٸمدەلەتٸن تاۋارلارعا ٸلەسپە قۇجاتتار شىعارۋ جوباسى باستالدى. بٷگٸنگٸ كٷنٸ بٸرقاتار پروبلەمالار انىقتالدى, بٸز ولاردى شەشۋگە كٸرٸستٸك. پيلوت كەزٸندە ايىپپۇلدار قولدانىلمايتىنىن اتاپ ٶتكٸم كەلەدٸ», - دەدٸ مارات سۇلتانعازيەۆ.
