2022 جىلدىڭ كٷزٸندە قازاقستاندا رەسەيدٸڭ «ميفي» ۇلتتىق يادرولىق زەرتتەۋ ۋنيۆەرسيتەتٸ (الماتى قالاسىندا) مەن ي.م. گۋبكين اتىنداعى رەسەي مەملەكەتتٸك مۇناي جەنە گاز ۋنيۆەرسيتەتٸنٸڭ (اتىراۋ قالاسىندا) فيليالدارى اشىلماق. ٷكٸمەت تيٸستٸ قاۋلى قابىلدادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
بيىل قازان ايىندا اتالعان جوعارى وقۋ ورىندارى فيليالدارىنىڭ بازاسىندا «قورعالعان جوعارى ٶنٸمدٸ ەسەپتەۋ جٷيەلەرٸ», «ەلەمەنتار بٶلشەكتەر فيزيكاسى جەنە عارىش فيزيكاسى», «مۇناي مەن گازدى ٸزدەۋ جەنە بارلاۋ», «مۇناي جەنە گاز كەن ورىندارىن يگەرۋ, پايدالانۋ جەنە كەشەندٸ مەحانيكالاندىرۋ مەن اۆتوماتتاندىرۋ», «مۇناي جەنە گاز تاسىمالداۋ» سيياقتى ماماندىقتار بويىنشا كادرلاردى دايىنداۋ باستالادى. وعان 200 گرانت بٶلٸندٸ. وقۋ پروتسەسٸنە جەتەكشٸ رەسەيلٸك پروفەسسورلار تارتىلماق.
«كەسٸبي كادرلاردى دايارلاۋ مەن عىلىمي زەرتتەۋلەردٸ ۇيىمداستىرۋدا جوعارى وقۋ ورىندارىن ەلەم ەلدەرٸنٸڭ تەجٸريبەسٸمەن ۇشتاستىرۋ جەنە ىنتىماقتاستىق اۋقىمىن كەڭەيتۋ زاماناۋي بٸلٸم بەرۋ تەحنولوگييالارىن كەڭٸنەن ەنگٸزۋگە مٷمكٸندٸك بەرەدٸ. تەحنيكالىق كادرلاردى دايىنداۋ جاعىنان رەسەيلٸك عىلىم ەلەمدەگٸ ەڭ ٷزدٸكتەردٸڭ بٸرٸ سانالادى. سوندىقتان بۇل تەجٸريبە بٸزگە ٶتە پايدالى», — دەدٸ قر عىلىم جەنە جوعارى بٸلٸم مينيسترٸ ساياسات نۇربەك.
ەلٸمٸزدە رەسەيلٸك جوعارى وقۋ ورىندارى فيليالدارىنىڭ اشىلۋى قازاقستاندىق جاستارعا ەلدەن شىقپاي-اق جەتەكشٸ شەتەلدٸك جوعارى وقۋ ورىندارىنىڭ ديپلومىن الۋعا مٷمكٸندٸك بەرەدٸ.
ەسكە سالا كەتسەك, مەملەكەت باسشىسى ەلٸمٸزدە 2025 جىلعا دەيٸن شەتەلدٸك جوعارى وقۋ ورىندارىنىڭ 5 جاڭا فيليالىن اشۋ تۋرالى تاپسىرما بەرگەن بولاتىن. 2022 جىلدىڭ اقپان ايىندا قر بٸلٸم جەنە عىلىم مينيسترلٸگٸ مەن رف عىلىم جەنە جوعارى بٸلٸم مينيسترلٸگٸ اراسىندا ٶزارا ىنتىماقتاستىق تۋرالى مەموراندۋمعا, سونداي-اق قر ٷكٸمەتٸ مەن رف ٷكٸمەتٸ اراسىندا ەكٸ ەلدٸڭ جوعارى وقۋ ورىندارىنىڭ فيليالدارىن اشۋ تۋرالى كەلٸسٸمگە قول قويىلعان.
