فوتو: Polisia.kz
ٸشكٸ ٸستەر مينيسترلٸگٸ پوليتسييا قىزمەتكەرٸنە قارسى كٷش قولدانعانى ٷشٸن قانداي جازا قاراستىرىلعانىن ايتتى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
وتباسىنداعى زورلىق-زومبىلىق – بۇل جۇرتشىلىقتى الاڭداتاتىن ٶزەكتٸ پروبلەما. قانشاما ادام جاقىنىنىڭ قىسىمىنا شىداپ, قورلىق پەن قول كٶتەرۋگە تٶزٸپ كەلەدٸ. الايدا مۇنىڭ سوڭى اۋىر زارداپتارعا ەكەلەتٸنٸن ۇمىتپاۋ قاجەت.
قوعام قاسٸرەتٸنە اينالعان بۇل مەسەلەنٸ شەشۋ ماقساتىندا مەملەكەت باسشىسى تۇرمىستىق زورلىق-زومبىلىق ٷشٸن جازانى قاتاڭداتۋدى تاپسىردى.
"قازٸر مۇنداي قۇقىق بۇزۋشىلىقتار جەبٸرلەنۋشٸنٸڭ ارىز-شاعىمىنسىز تٸركەلەدٸ. ەندٸ اگرەسسور ارىز تٷسسە دە, تٷسپەسە دە, جاۋاپقا تارتىلادى. كەيدە جەبٸرلەنۋشٸنٸ “ٷي اگرەسسورىنان” قۇتقارامىن دەپ, قىزمەتكەرلەر ٶز ٶمٸرٸ مەن دەنساۋلىعىنا قاۋٸپ تٶندٸرەدٸ", – دەدٸ ٸٸم ەكٸمشٸلٸك پوليتسييا كوميتەتٸ باسقارما باستىعىنىڭ ورىنباسارى ازامات قۇرىمباەۆ.
مەسەلەن, باتىس قازاقستان وبلىسىندا ماس ەر ادام ٷيٸندە جانجال شىعارىپ, ەيەلٸ پوليتسييا شاقىرعان. تەرتٸپ ساقشىلارى وقيعا ورنىنا جەتكەندە “اگرەسسور” ٶز ٷيٸنٸڭ اۋلاسىندا ولارعا قارسىلىق كٶرسەتٸپ, زاڭدى تالاپتارعا باعىنباعان. تٸپتٸ, قىزمەتكەرلەردٸڭ بٸرٸن پىشاقپەن جارالاماق بولعان.
ٸٸم باسپاسٶز قىزمەتٸ مەلٸمەتٸنشە, جىل باسىنان بەرٸ بيلٸك ٶكٸلٸنە قارسى كٷش قولدانۋدىڭ 146 فاكتٸسٸ تٸركەلٸپ, 109 ادام تٷرلٸ جاۋاپكەرشٸلٸككە تارتىلعان, ونىڭ ٸشٸندە 19-ى باس بوستاندىعىنان ايىرىلدى. سوت شەشٸمٸمەن قۇقىق قورعاۋ ورگانى قىزمەتكەرٸنٸڭ زاڭدى تالابىنا باعىنباعانى ٷشٸن 1699 ادام ەكٸمشٸلٸك جاۋاپكەرشٸلٸككە تارتىلعان, ونىڭ ٸشٸندە 792 قۇقىق بۇزۋشى قاماۋعا الىندى.
"ٸشكٸ ٸستەر ورگاندارى قىزمەتكەرلەرٸ قوعامدىق تەرتٸپتٸ قامتاماسىز ەتۋ ماقساتىندا, ياعني سٸزدٸڭ قاۋٸپسٸزدٸگٸڭٸزدٸ قامتاماسىز ەتۋ ٷشٸن ٶز ٶمٸرلەرٸن قاۋٸپكە تٸگٸپ, ايانباي قىزمەت ەتەدٸ. وسىعان بايلانىستى پوليتسييا قىزمەتكەرلەرٸنٸڭ زاڭدى تالاپتارىن ورىنداۋدى, ولارعا جۇمىس بارىسىندا كەدەرگٸ كەلتٸرمەۋدٸ سۇرايمىز. بۇنداي ەرەكەتتەرگە جول بەرگەن جاعدايدا قىلمىستىق جەنە ەكٸمشٸلٸك جاۋاپكەرشٸلٸك كٶزدەلگەنٸن ەسكە سالامىز. جازا ٸرٸ ايىپپۇلدان 7 جىل مەرزٸمگە دەيٸن باس بوستاندىعىنان ايىرۋدى كٶزدەيدٸ. سونىمەن قاتار پوليتسييا قىزمەتكەرلەرٸنٸڭ ٸس ەرەكەتٸندە زاڭ بۇزۋشىلىق ورىن العان بولسا, ازاماتتار شاعىمدانۋعا قۇقىلى", – دەيدٸ ازامات قۇرىمباەۆ.
