قازاقستاندا ەلەۋمەتتٸك سالا قىزمەتكەرلەرٸنٸڭ جالاقىسىن كەزەڭ-كەزەڭٸمەن ارتتىرۋ جالعاسۋدا. 2022 جىلعى 1 قاڭتاردان باستاپ پەداگوگتار مەن ەلەۋمەتتٸك قامسىزداندىرۋ سالاسىنداعى قىزمەتكەرلەردٸڭ جالاقىسى 25%-عا, مەديتسينا قىزمەتكەرلەرٸنٸڭ جالاقىسى ورتا ەسەپپەن 20-30%-عا ٶستٸ, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنىڭ 2019 جىلعى 2 قىركٷيەكتەگٸ «Cىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» اتتى قازاقستان حالقىنا جولداۋىندا ايتىلعان تاپسىرمانى ورىنداۋ ٷشٸن 2020 جىلدان باستاپ شامامەن 600 مىڭ پەداگوگتىڭ جالاقىسىن كەزەڭ-كەزەڭٸمەن ارتتىرۋ, ال 2021 جىلدان باستاپ مەملەكەتتٸك مەكەمەلەر مەن كوممۋنالدىق كەسٸپورىنداردا جۇمىس ٸستەيتٸن 247 مىڭ مەديتسينا قىزمەتكەرٸنٸڭ جالاقىسىن كەزەڭ-كەزەڭٸمەن ارتتىرۋ باستالدى. 2023 جىلعا قاراي ولاردىڭ جالاقىسى 2 ەسە ٶسەدٸ.
2022 جىلعى 1 قاڭتاردان باستاپ پەداگوگتاردىڭ جالاقىسى 25%-عا, مەديتسينا قىزمەتكەرلەرٸنٸڭ جالاقىسى ورتا ەسەپپەن 20-30%-عا ٶستٸ.
سونداي-اق, 2022 جىلعى 1 قاڭتاردان باستاپ ەلەۋمەتتٸك قامسىزداندىرۋ سالاسىنداعى 21 مىڭ جۇمىسكەردٸڭ لاۋازىمدىق ايلىقاقىلارى 25% - عا ارتتىرىلدى. جالاقىنىڭ ٶسۋٸ ٶز قىزمەتٸن ستاتسيونارلىق جەنە جارتىلاي ستاتسيونارلىق ٷلگٸدەگٸ مەديتسينالىق-ەلەۋمەتتٸك مەكەمەلەردە (بۇدان ەرٸ – مەم), ٷيدە قىزمەت كٶرسەتۋ ۇيىمدارىندا, ۋاقىتشا بولۋ ۇيىمدارىندا جەنە جۇمىسپەن قامتۋ ورتالىقتارىندا جٷزەگە اسىراتىن باسشى قۇرام مەن نەگٸزگٸ پەرسونالعا (ەلەۋمەتتٸك قىزمەتكەرلەر, پەداگوگتار, مەديتسينا قىزمەتكەرلەرٸ جەنە ت.ب.) قاتىستى بولدى.
ەستەرٸڭٸزگە سالا كەتەيٸك, 2021 جىلدىڭ 1 قاڭتارىنان باستاپ ەلەۋمەتتٸك قىزمەتكەرلەردٸڭ جالاقىسى 50%-عا كٶتەرٸلدٸ. سونداي-اق, 2021 جىلى ەكٸمشٸلٸك جەنە قوسالقى پەرسونالدىڭ, ستاتسيونارلىق جەنە جارتىلاي ستاتسيونارلىق ٷلگٸدەگٸ مەم-دە, ٷيدە قىزمەت كٶرسەتۋ جەنە ۋاقىتشا بولۋ ۇيىمدارىندا جۇمىس ٸستەيتٸن جۇمىسشىلاردىڭ جالاقىسى قولدانىستاعى قوسىمشا اقىنىڭ مٶلشەرٸن لاۋازىمدىق جالاقىدان 30%-دان 40%-عا ٶزگەرتۋ ارقىلى ارتتىرىلدى.
بۇدان بۇرىن حابارلانعانداي, اعىمداعى جىلعى 1 قاڭتاردان باستاپ ازاماتتىق قىزمەتشٸلەردٸڭ جەكەلەگەن ساناتتارىنىڭ جالاقىسىن كەزەڭ-كەزەڭٸمەن ارتتىرۋ باستالىپ, ول 591 مىڭ ادامدى قامتيدى. نەتيجەسٸندە, 4 جىل ٸشٸندە ولاردىڭ جالاقىسى 2 ەسە ارتادى.
