«مەن شەتەلدٸك ساياساتكەرلەردٸڭ قازاقستاندا ورىس تٸلٸنە جەنە ٶزگە دە تٸلدەرگە قاتىستى ٷرەي بار دەگەن ۋەجدەرٸن نارازىلىقپەن قابىلدايمىن». قازاقستان حالىقارالىق «قازاق تٸلٸ» قوعامى» قوعامدىق بٸرلەستٸگٸنٸڭ ۆيتسە-پرەزيدەنتٸ ماكسيم روجين وسىنداي پايىم ايتتى, دەپ حابارلايدى قازاقپارات.
«بٷگٸندە ەلٸمٸزدە مەملەكەت تاراپىنان كەز كەلگەن ەتنوسقا ٶزٸنٸڭ تٸلٸن, ٶزٸنٸڭ مەدەنيەتٸن بٸلۋگە بارلىق جاعدايلار جاسالعان. ونىڭ بٸر دەلەلٸ, ەلٸمٸزدە ورىس, ٶزبەك, اعىلشىن, نەمٸس تٸلٸندە جۇمىس ٸستەيتٸن ورتا مەكتەپتەر بار. ەلەمدە مەملەكەتتٸك بيۋدجەت قارجىسىنان بالالاردى تۋعان تٸلٸندە وقىتۋعا اقشا بٶلەتٸن ەلدەر ساۋساقپەن سانارلىق شىعار. مەنٸڭ ويىمشا, قازاقستان – سونداي مەملەكەتتەردٸڭ بٸرٸ. وعان بٸزدەگٸ ورىس تٸلٸندە, اعىلشىن تٸلٸندە, نەمٸس, ٶزبەك تٸلدەرٸندە بٸلٸم بەرەتٸن مەكتەپتەر مىسال بولا الادى.
سوندىقتان مەن شەتەلدٸك ساياساتكەرلەردٸڭ قازاقستاندا ورىس تٸلٸنە جەنە ٶزگە دە تٸلدەرگە قاتىستى ٷرەي بار دەگەن ۋەجدەرٸن نارازىلىقپەن قابىلدايمىن. مەن تەگٸ ورىس قازاقستاندىق رەتٸندە ونداي رەپليكالارعا جول جوق دەپ ەسەپتەيمٸن. بۇل ەلٸمٸزدەگٸ شىنايى كٶرٸنٸستٸ بۇرمالاپ كٶرسەتۋ ەكەنٸنە سەنٸمدٸمٸن», - دەدٸ ول قازاقستان حالقى اسسامبلەياسىنىڭ حححٸ سەسسيياسىندا.
سونداي-اق, ول حالىقتىڭ مەملەكەتتٸك تٸلگە بەت بۇرعانىن, وسى تەندەنتسييادان مەملەكەتتٸك قىزمەتشٸلەر دە قالىسپاۋى كەرەكتٸگٸن اتاپ ٶتتٸ.
«بٸز قازٸر حالىقارالىق قازاق تٸلٸ قوعامى ارقىلى تٸلگە ارنالعان كٶرنەكٸ جوبانى باستاپ جاتىرمىز. بۇل جوبا كٶرنەكٸ اقپارات تۋرالى زاڭىنىڭ تالاپتارىن شاعىن جەنە ورتا بيزنەسكە تٷسٸندٸرٸپ, ورىنداۋعا ەرٸكتٸ تٷردە كٶمەكتەسەدٸ. قوعام قازاق تٸلٸنە كٶشٸپ جاتقاندا بۇل تالاپ مەملەكەتتٸك قىزمەتكەرلەر ٷشٸن دە كٷشەيۋٸ كەرەك دەپ سانايمىن. سەبەبٸ قازاق تٸلٸ قازٸر قوعامنىڭ نەگٸزگٸ تٸلٸنە اينالىپ كەلەدٸ. بۇل – حالىقتىڭ تالابى. سوندىقتان مەملەكەتتٸك قىزمەتشٸلەر قازاق تٸلٸنەن تاپسىراتىن ەمتيحان نەتيجەسٸ ەسەپتەلۋٸ كەرەك دەپ ەسەپتەيمٸن», - دەدٸ ماكسيم روجين.
