قازاقستاندا ٶتكەن 2 جىلدا 39 IT-ليتسەي اشىلدى. بٷگٸندە بۇل بٸلٸم وردالارىندا 55 مىڭعا جۋىق وقۋشى بٸلٸم الىپ جاتىر, دەپ حابارلايدى بعم باسپاسٶز قىزمەتٸ.
IT-ليتسەيلەر جاڭا موديفيكاتسييالىق ٷلگٸدەگٸ كابينەتتەرمەن جەنە زاماناۋي IT قۇرالدارمەن جابدىقتالعان. بالالار ٷشٸن اقپاراتتىق-كوممۋنيكاتسييالىق تەحنولوگييالاردى تەرەڭ زەرتتەۋگە باعىتتالعان ارنايى بٸلٸم بەرۋ باعدارلامالارى ەزٸرلەندٸ.
اتالعان بٸلٸم بەرۋ باعدارلامالارىمەن 7-11 سىنىپ وقۋشىلارى قامتىلعان. مامانداندىرىلعان IT ليتسەيلەردە وقۋعا نيەت بٸلدٸرگەن بٸلٸم الۋشىلار تٷسۋ ەمتيحاندارىن تاپسىرادى.
وقۋشىلار باعدارلامالاۋ داعدىلارى, 3D ديزاين, روبوتوتەحنيكا جەنە باسقا دا باعىتتار بويىنشا بٸلٸم الادى.
وسىنداي ليتسەيلەردٸڭ اشىلۋى, جاڭا بٸلٸم بەرۋ باعدارلامالارىن ەنگٸزۋ, سونداي-اق پەداگوگتەردٸڭ قولداۋىنىڭ نەتيجەسٸندە IT-ليتسەيلەردەگٸ بٸلٸم الۋشىلار تسيفرلىق ستارتاپتار قۇرىپ, ٶز جوبالارىن ەزٸرلەپ جاتىر. سونىمەن بٸرگە قازاقستاندى ەلەمدٸك ارەنادا لايىقتى دەڭگەيدە تانىتىپ كەلەدٸ.
مىسالى, كٶكشەتاۋ قالاسىنداعى IT-ليتسەيدٸڭ وقۋشىسى Caspian Start-UP 2021 حالىقارالىق عىلىمي جوبالار بايقاۋىندا جەڭٸسكە جەتتٸ. بايقاۋعا كاسپيي ماڭى ەلدەرٸنەن 90-عا جۋىق وقۋشى مەن كوللەدج ستۋدەنتتەرٸ قاتىستى. جاس دارىن يەلەرٸ يننوۆاتسييالىق تەحنولوگييالار سالاسىنداعى ٶزدەرٸنٸڭ اۆتورلىق جوبالارىن تانىستىردى.
«ەلٸمٸزدە وسىنداي مامانداندىرىلعان IT-ليتسەيلەردٸڭ اشىلعانىنا قۋانىشتىمىن. نەتيجەسٸندە بٸز بارلىق تسيفرلىق تەحنولوگييانى ساپالى تٷردە زەرتتەيمٸز. مەسەلەن, مەن ستارتاپتار بايقاۋىندا ٶزٸمنٸڭ اۆتورلىق جوبامدى تانىستىردىم. ماعان كٶمەكتەسكەن مۇعالٸمدەرٸم مەن عىلىمي جەتەكشٸمە العىسىم شەكسٸز. قول جەتكٸزگەن جەتٸستٸكتەرٸم لايىقتى باعالانىپ, بٸلٸم بەرۋ گرانتىن العانىما قۋانىشتىمىن», – دەدٸ Caspian Start-UP 2021 جەڭٸمپازى اسىلحان قوشانوۆ.
