قازاقستاندا ٶنٸمنٸڭ وتاندىق شىعۋ تەگٸن راستاۋ رەسٸمٸن جەڭٸلدەتۋگە جەنە بيزنەستٸڭ مەملەكەتتٸك قولداۋ شارالارى مەن رەتتەلەتٸن ساتىپ الۋلارعا قولجەتٸمدٸلٸگٸن كەڭەيتۋگە باعىتتالعان وتاندىق تاۋار ٶندٸرۋشٸلەردٸڭ تسيفرلىق تٸزٸلٸمٸ ٸسكە قوسىلدى.
جاڭا قۇرال ٸرٸ كەسٸپورىندارمەن قاتار جاس كەسٸپكەرلەرگە, ستارتاپتارعا جەنە ٶندٸرٸستٸ ەندٸ باستاپ جاتقان ٶندٸرۋشٸلەرگە دە ارنالعان. تٸركەۋ e-ondiris.gov.kz پلاتفورماسى ارقىلى تولىقتاي ونلاين فورماتتا جٷزەگە اسىرىلادى, قىزمەت تەگٸن كٶرسەتٸلەدٸ جەنە قاعاز انىقتامالاردى جيناۋدى تالاپ ەتپەيدٸ. جٷيە مەملەكەتتٸك دەرەكقورلارمەن ينتەگراتسييالانعان جەنە ٶندٸرٸستٸ قىسقا مەرزٸم ٸشٸندە تسيفرلىق ۆەريفيكاتسييالاۋعا مٷمكٸندٸك بەرەدٸ.
تٸزٸلٸم مەملەكەت باسشىسىنىڭ تاپسىرماسى بويىنشا ەنگٸزٸلدٸ جەنە 2025 جىلعى 19 مامىردا قازاقستان رەسپۋبليكاسىنىڭ تاۋارلاردىڭ شىعۋ ەلٸن ايقىنداۋ مەسەلەلەرٸ بويىنشا زاڭناماعا ٶزگەرٸستەر ەنگٸزۋ تۋرالى زاڭ قابىلدانعاننان كەيٸن ٸسكە اسىرىلدى. جاڭا جٷيەگە تولىق كٶشۋ 2026 جىلعى 1 قاڭتاردان باستاپ جوسپارلانعان. وسى ۋاقىتقا دەيٸن وتاندىق ٶندٸرۋشٸلەر ٶز مەرتەبەسٸن ست-KZ سەرتيفيكاتتارى مەن يندۋسترييالىق سەرتيفيكاتتار ارقىلى راستادى.
تٸزٸلٸمگە العاشقىلاردىڭ بٸرٸ بولىپ تۇرمىستىق تەحنيكا ٶندٸرەتٸن «Silk Road Electronics» جشس ەنگٸزٸلدٸ. كەسٸپورىن اۆتوريزاتسييادان سەتتٸ ٶتٸپ, قازاقستان اۋماعىندا تۇرمىستىق تەحنيكا ٶندٸرٸسٸن جٷزەگە اسىرىپ كەلەدٸ. كومپانييا جەرگٸلٸكتٸ ٶندٸرٸستٸك قۋاتتاردى دامىتىپ, زاماناۋي تەحنولوگييالىق شەشٸمدەردٸ ەنگٸزۋدە. ٶنٸم نەگٸزٸنەن ٸشكٸ نارىققا باعىتتالعان, سونداي-اق ٶڭٸر ەلدەرٸنە جەتكٸزۋ پەرسپەكتيۆاسى بار.
تٸزٸلٸمگە ەنگٸزٸلۋ كەسٸپورىننىڭ ناقتى وتاندىق تاۋار ٶندٸرۋشٸ مەرتەبەسٸن راستايدى جەنە باسىمدىق بەرٸلەتٸن ساتىپ الۋلارعا قاتىسۋ مەن مەملەكەتتٸك قولداۋ شارالارىن الۋ ٷشٸن نەگٸزگٸ شارتتاردىڭ بٸرٸ بولىپ تابىلادى. تەكسەرۋ ٶندٸرٸستٸك الاڭدار, جابدىقتار, جەتكٸزۋ تٸزبەكتەرٸ جەنە جەرگٸلٸكتەندٸرۋ دەڭگەيٸ تۋرالى تسيفرلىق دەرەكتەر نەگٸزٸندە جٷرگٸزٸلەدٸ.
رەسمي دەرەككٶزدەردٸڭ مەلٸمەتٸنشە, قولدانىستاعى يندۋسترييالىق سەرتيفيكات يەلەرٸنٸڭ 1 800-دەن استامى جٷيەگە اۆتوماتتى تٷردە كٶشٸرٸلگەن, ال شامامەن 1 000 كومپانييا دەرەكتەرٸن تسيفرلىق فورماتتا راستاعان.
تٸزٸلٸمدٸ پايدالانۋ تولىقتاي تەگٸن. ٶتپەلٸ كەزەڭ اياقتالعاننان كەيٸن تٸزٸلٸمنەن بەرٸلەتٸن ٷزٸندٸ وتاندىق ٶنٸمنٸڭ شىعۋ تەگٸن راستايتىن جالعىز قۇجات بولادى.
