قازاقستاندا ورتاشا جالاقى تاعى دا ٶسٸپ, 162 مىڭ تەڭگەدەن استى. بۇل تۋرالى ۇلتتىق ەكونوميكا مينيسترلٸگٸ حابارلادى, - دەپ جازادى sputniknews.kz.
ەستەرٸڭٸزدە بولسا, مينيستر تيمۋر سٷلەيمەنوۆ ٷكٸمەت وتىرىسىندا بيىلعى جىلدىڭ قاڭتار-سەۋٸرٸندە ورتاشا ايلىق جالاقى 152,3 مىڭ تەڭگەنٸ قۇراپ, ناقتى كٶرٸنٸستە 1,2%-عا ٶسكەنٸن مەلٸمدەگەن ەدٸ. ال 2018 جىلدىڭ ەكٸنشٸ توقسانىندا بٸر قىزمەتكەردٸڭ ورتاشا ايلىق اتاۋلى جالاقىسى 162 751 تەڭگەنٸ قۇراپ وتىر.
سالالىق قۇرىلىمدا ەڭ ٷلكەن اتاۋلى جالاقى قارجى جەنە ساقتاندىرۋ قىزمەتٸندە –335,3 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە استى), كەسٸبي, عىلىمي جەنە تەحنيكالىق قىزمەتتە – 273,2 مىڭ تەڭگە (1,7 ەسەگە استى), ٶنەركەسٸپ سالاسىندا – 224,7 مىڭ تەڭگە (1,4 ەسەگە استى), اقپارات جەنە بايلانىس سالاسىندا – 238,4 مىڭ تەڭگە (1,5 ەسەگە استى), قۇرىلىس سالاسىندا – 212,8 مىڭ تەڭگە (1,3 ەسەگە استى) بەلگٸلەندٸ.
ەڭ تٶمەنگٸ اتاۋلى جالاقى اۋىل, ورمان جەنە بالىق شارۋاشىلىعى قىزمەتكەرلەرٸندە بەلگٸلەندٸ – 93,7 مىڭ تەڭگە, بۇل رەسپۋبليكا بويىنشا ورتا كٶرسەتكٸشتەن 42,4%-عا تٶمەن.
ٶڭٸرلٸك بٶلٸنٸستە ەڭ جوعارعى جالاقى اتىراۋ وبلىسىندا بەلگٸلەندٸ – 291,3 مىڭ تەڭگە, بۇل ورتاشا رەسپۋبليكالىق كٶرسەتكٸشتەن شامامەن 1,8 ەسەگە اسادى. جامبىل وبلىسىندا مۇنىڭ شاماسى 111,2 مىڭ تەڭگەنٸ قۇرادى, بۇل ەل بويىنشا ورتاشا دەڭگەيدەن 31,7%-عا تٶمەن.
