قازاقستاندا ورتاشا ٶمٸر سٷرۋ ۇزاقتىعىن 2025 جىلعا دەيٸن 75 جاسقا جەتكٸزۋ كٶزدەلٸپ وتىر. قازٸرگٸ كٶرسەتكٸش – 73 جاس, دەپ حابارلايدى قازاقپارات.
«قازٸرگٸ تاڭدا پارلامەنتتە حالىقتىڭ دەنساۋلىعى جٶنٸندەگٸ كودەكس قارالىپ جاتىر. ول كودەكستٸڭ نەگٸزگٸ ماقساتتارى - مەديتسينا قىزمەتكەرلەرٸنٸڭ مەرتەبەسٸن كٶتەرۋ, قازاقستاندىقتاردىڭ دەنساۋلىعىن نىعايتۋ, تسيفرلى دەنساۋلىق ساقتاۋ سالاسىن ەنگٸزۋ جەنە باقىلاۋدى كٷشەيتۋ. ٷكٸمەت دەنساۋلىق ساقتاۋ سالاسىن 2025 جىلعا دەيٸن دامىتۋ جٶنٸندە مەملەكەتتٸك باعدارلاما قابىلدادى. باستى مٸندەت – قازاقستاندىق ٶمٸر جاسىنىڭ ۇزاقتىعىن ارتتىرۋ. بٷگٸنگٸ كٷنٸ بۇل كٶرسەتكٸش 73 جاس بولسا, 2025 جىلعا دەيٸن ٶمٸر ۇزاقتىعىن 75 جاسقا دەيٸن جەتكٸزۋ كٶزدەلۋدە. ول ٷشٸن ٷكٸمەت پەن جەرگٸلٸكتٸ اتقارۋشى ورگانداردىڭ باستى مٸندەتٸ – كٶرسەتٸلەتٸن مەديتسينالىق قىزمەتتٸڭ ساپاسىن ارتتىرۋ, ماتەريالدىق-تەحنيكالىق بازانى جاقسارتىپ, مەديتسينا قىزمەتكەرلەرٸنٸڭ ايلىعىن كٶتەرۋ, مەملەكەتتٸك-جەكەمەنشٸك ەرٸپتەستٸكتٸ ارتىرىپ, سالاعا ينۆەستورلار مەن دەمەۋشٸلەردٸ تارتۋ», - دەدٸ ٷكٸمەت باسشىسىنىڭ ورىنباسارى بەردٸبەك ساپارباەۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, قازٸردٸڭ ٶزٸندە دەنساۋلىق ساقتاۋ سالاسىندا قۇنى 59 ملرد تەڭگەگە 120 جوبانى ٸسكە اسىرۋ كٶزدەلگەن.
«بٸزدە دەرٸ-دەرمەكپەن قامتۋدىڭ مەملەكەتتٸك رەتتەۋٸ جولعا قويىلعان. بٸزدە بٸلەتٸندەرٸڭٸزدەي, دەرٸ-دەرمەك بويىنشا جىل باسىندا مٸندەتتٸ تٷردە شۋ شىعىپ جاتاتىن. بيىل بۇل مەسەلەنٸ رەتكە كەلتٸردٸك. بٷگٸنگٸ تاڭدا دەرٸ-دەرمەك بويىنشا قۇنى 221 ملرد تەڭگەگە جىلدىق قاجەتتٸلٸكتٸڭ 88 پايىزى قامتاماسىز ەتٸلدٸ. ونىڭ 95 پايىزى ەمدەۋ مەكەمەلەرٸنە جەتكٸزٸلدٸ», - دەدٸ ول.
