قازاقستاندىق ٶنەركەسٸپ ٶنٸمدەرٸن شىعارۋشى كەسٸپورىندار باعانى اعىمداعى جىلدىڭ بەس ايىندا (2019 جىلدىڭ جەلتوقسانىنان باستاپ 2020 جىلدىڭ مامىر ايى) 19,5 پايىزعا تٶمەندەتكەن.
كەن ٶندٸرۋ ٶنەركەسٸبٸنٸڭ باعالارى 36 پايىزعا, ٶڭدەۋشٸ ٶنەركەسٸپ – 0,2 پايىزعا تٶمەندەدٸ. ٶنەركەسٸپ ٶنٸمدەرٸ 21,7 پايىز ارزانداعان, ٶنەركەسٸپ سيپاتتاعى قىزمەت كٶرسەتۋ 2,9 پايىزعا قىمباتتادى, - دەپ حابارلايدى قر قارجى مينيسترلٸگٸنٸڭ ستاتيستيكا كوميتەتٸ.
«ٶتكەن ايدىڭ ٸشٸندە مازۋت ٶندٸرۋشٸ كەسٸپورىنداردىڭ باعالارى 50,7 پايىز, مۇناي - 46,7 پايىز, سۇيىتىلعان پروپان مەن بۋتان - 23,2 پايىز, بەنزين - 10,5 پايىز, ديزەل وتىنى 6,8 پايىز تٶمەندەسە, مەتالل رۋدالارىنىڭ باعالارى - 12,3 پايىزعا, تابيعي گاز - 5,3 پايىزعا, كٶمٸر - 1,3 پايىزعا كٶتەرٸلگەن. مىرىش باعاسى 16,7 پايىز, قورعاسىن - 11,6 پايىز, اليۋمينيي - 9,4 پايىز, مىس - 6,3 پايىز, قارا مەتالدار پروكاتى - 3,6 پايىزعا تٶمەندەدٸ, اسىل مەتالدار باعاسى 11,8 پايىزعا ارتقان», - دەپ حابارلادى كوميتەتتەن.
جارما ٶندٸرۋشٸلەرٸنٸڭ باعالارى 9,6 پايىز, بيداي ۇنى - 8,8 پايىز, قارابيداي ۇنى - 5,7 پايىز, مال ەتٸ - 6,8 پايىز, قۇس ەتٸ - 2,3 پايىز, شاي - 6,4 پايىز, ماكارون ٶنٸمدەرٸ - 5,5 پايىز, كٷرٸش - 5,1 پايىز, قانت - 4,9 پايىز, سٷت ٶنٸمدەرٸ - 3,4 پايىز, كٷنباعىس مايى – 3 پايىز, نان - 2,8 پايىز كٶتەرٸلگەن.
