سوڭعى 5 جىلدا ەلٸمٸزدە ٶندٸرٸستە زارداپ شەككەندەر سانى 10,7 پايىزعا ازايدى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸ تٶراعاسىنىڭ ورىنباسارى – قر باس مەملەكەتتٸك ەڭبەك ينسپەكتورى تٶلەگەن وسپانقۇلوۆ ايتتى, دەپ حابارلايدى قازاقپارات.
«قابىلدانعان ٸس-شارالاردىڭ نەتيجەسٸندە سوڭعى 5 جىلدا, ناقتىراق ايتقاندا 2016-2020 جىلدار ارالىعىندا ٶندٸرٸستە زارداپ شەككەندەردٸڭ سانى 10,7 پايىزعا, 1683-تەن 1500 ادامعا دەيٸن ازايدى. ونىڭ ٸشٸندە قايتىس بولعاندار سانى 16,2 پايىزعا تٶمەندەدٸ.
ستاتيستيكا جٶنٸندەگٸ ۋەكٸلەتتٸ ورگانداردىڭ دەرەكتەرٸنە سەيكەس, 2020 جىلى زەرتتەلگەن كەسٸپورىنداردىڭ 1,6 ملن جۇمىسشىسىنىڭ 367 مىڭ نە بولماسا ەربٸر تٶرتٸنشٸسٸ زيياندى جەنە قاۋٸپتٸ جاعدايدا جۇمىس ٸستەگەن. 2019 جىلى بۇل كٶرسەتكٸش 370 مىڭ ادامدى قۇراعان بولاتىن», - دەدٸ تٶلەگەن وسپانقۇلوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, زيياندى جەنە قاۋٸپتٸ جاعدايدا جۇمىس ٸستەيتٸن جۇمىسشىلاردىڭ كٶپشٸلٸگٸ قاراعاندى, پاۆلودار, شىعىس قازاقستان جەنە ماڭعىستاۋ وبلىستارىندا بايقالعان.
«جوعارى شۋ جەنە دٸرٸل جاعدايىندا شامامەن ەربٸر ەكٸنشٸ, جۇمىس اينالاسىنداعى اۋانىڭ گازدانۋى مەن شاڭدانۋى جاعدايىندا ەربٸر ٷشٸنشٸ ادام جۇمىس ٸستەگەن. 94 مىڭ ادام اۋىر دەنە ەڭبەگٸمەن شۇعىلدانعان. جۇمىسشىلاردىڭ قولايسىز ەڭبەك جاعدايلارى ەكونوميكالىق شىعىندارعا الىپ كەلەتٸندٸگٸ بارلىعىمىزعا مەلٸم. بىلتىر ەلٸمٸزدە 672 مىڭ جۇمىسشى زيياندى ەڭبەك جاعدايىندا جۇمىس ٸستەگەنٸ ٷشٸن 141 ملن تەڭگە سوماسىندا تٷرلٸ ٶتەماقى الدى. بۇل كٶرسەتكٸش 2010 جىلمەن سالىستىرعاندا 10 پايىزعا جوعارى», - دەدٸ ول.
