سۋرەت اشىق دەرەككٶزدەن الىندى
وقۋ اعارتۋ مينيسترٸ عاني بەيسەمباەۆ مەكتەپ وقۋلىقتارى قاشان تسيفرلىق فورماتقا كٶشٸرٸلەتٸنٸن ايتتى, - دەپ حابارلايدى Tengrinews.kz سايتى.
"2024 جىلى مەكتەپ پەندەرٸ 100 پايىز تسيفرلىق فورماتقا كٶشٸرٸلەدٸ. بالالاردىڭ مەكتەپ پەندەرٸن وقۋعا دەگەن قىزىعۋشىلىعىن ارتتىرۋ ٷشٸن تسيفرلىق كونتەنتكە ۆيرتۋالدى زەرتحانالار مەن گەيميفيكاتسييا ەلەمەنتتەرٸ ەنگٸزٸلگەن", - دەدٸ مينيستر ٷكٸمەت وتىرىسىندا.
ونىڭ ايتۋىنشا, قازٸرگٸ تاڭدا وقۋلىقتاردىڭ 79 پايىزى تسيفرلاندىرىلىپ, مەملەكەتتٸك ساراپتامادان ٶتٸپ, رەسمي تٸزٸمگە ەنگٸزٸلگەن.
"تسيفرلىق وقۋلىقتاردى ەزٸرلەۋگە ەلٸمٸزدٸڭ 11 باسپاسى جۇمىلدىرىلدى. پەندەردٸ وقىتۋدىڭ يننوۆاتسييالىق ەدٸستەرٸن ەنگٸزۋ ماقساتىندا مۇعالٸمدەردٸڭ پايدالانۋى ٷشٸن ەدٸستەمەلٸك ۇسىنىستار ەزٸرلەنٸپ, اعىمداعى جىلى ولاردى وقىتۋ جوسپارلانىپ وتىر", - دەپ تٷسٸندٸردٸ مينيستر.
