sýret ashyq derekkózden alyndy
Oqý aǵartý ministri Ǵani Beisembaev mektep oqýlyqtary qashan tsifrlyq formatqa kóshiriletinin aitty, - dep habarlaidy Tengrinews.kz saity.
"2024 jyly mektep pánderi 100 paiyz tsifrlyq formatqa kóshiriledi. Balalardyń mektep pánderin oqýǵa degen qyzyǵýshylyǵyn arttyrý úshin tsifrlyq kontentke virtýaldy zerthanalar men geimifikatsiia elementteri engizilgen", - dedi ministr úkimet otyrysynda.
Onyń aitýynsha, qazirgi tańda oqýlyqtardyń 79 paiyzy tsifrlandyrylyp, memlekettik saraptamadan ótip, resmi tizimge engizilgen.
"Tsifrlyq oqýlyqtardy ázirleýge elimizdiń 11 baspasy jumyldyryldy. Pánderdi oqytýdyń innovatsiialyq ádisterin engizý maqsatynda muǵalimderdiń paidalanýy úshin ádistemelik usynystar ázirlenip, aǵymdaǵy jyly olardy oqytý josparlanyp otyr", - dep túsindirdi ministr.
