ەلٸمٸزدە نەكەدەن تىس تۋعان بالاعا دا ەكەسٸنٸڭ اليمەنت تٶلەپ تۇرۋى مٸندەتتٸ بولماق. بۇل تۋرالى مەجٸلٸس دەپۋتاتى سۆەتلانا بىچكوۆا ايتتى, دەپ حابارلايدى قازاقپارات تٸلشٸسٸ.
ايتا كەتەرلٸگٸ, بٷگٸن قر پارلامەنتٸ سەناتى ەلەۋمەتتٸك-مەدەني دامۋ جەنە عىلىم كوميتەتٸنٸڭ كەڭەيتٸلگەن وتىرىسىندا بالانىڭ قۇقىقتارىن قورعاۋ مەسەلەسٸ قارالدى.
جيىندا س.بىچكوۆا بالانىڭ قۇقىقتارىن قورعاۋ مەسەلەسٸ جٶنٸندەگٸ فۋنكتسييالاردى جٷزەگە اسىراتىن ۇيىمداردىڭ قىزمەتٸنە بايلانىستى مەسەلەلەر بويىنشا ٶزگەرٸستەر مەن تولىقتىرۋلار كٶزدەلگەن زاڭ جوباسىن تانىستىرعان ەدٸ.
«2018 جىلدىڭ ماۋسىمىندا كونستيتۋتسييالىق كەڭەسكە ٷندەۋ جولدانىپ, وندا ەر-ازاماتپەن نەكەدە تۇرماعان انالار دٷنيەگە ەكەلگەن بالالاردىڭ بۇل تۇرعىدا قۇقىقتارى شەكتەلگەنٸ كٶرسەتٸلگەن. ەگەر ەركەكتەر ولارعا اليمەنت تٶلەگٸسٸ كەلمەسە, وندا بالالار اليمەنتتەن قاعىلادى. سوندىقتان تٷپتەپ كەلگەندە ونداي بالالار نەكەدەگٸ ەيەلدەردەن تۋعان بالالارمەن تەڭەستٸرٸلگەن ەدٸ. بۇل رەتتە جاعدايعا بايلانىستى ناقتى شارتتاردى سوت ايقىندايدى», - دەدٸ مەجٸلٸس دەپۋتاتى وتىرىس قاتىسۋشىلارىنىڭ ساۋالىنا جاۋاپ بەرە كەلە.
تالقىلاۋ بارىسىندا نەكە جەنە وتباسى تۋرالى كودەكستٸڭ 47-بابىنا تولىقتىرۋلار ەنگٸزٸلەتٸندٸگٸ اتالىپ ٶتٸلدٸ. اتالعان تولىقتىرۋلاردا ەر-ازامات نەكەدەن تىس تۋعان ورتاق بالالارىن اسىراۋ ٷشٸن ونىڭ اناسىنىڭ شىعىندارىن ٶتەيتٸندٸگٸ كٶزدەلگەن. سونىمەن قاتار, دەل وسى نورمادا سوت اقشا قاراجاتىنىڭ كٶلەمٸ مەن تٶلەم مەرزٸمدٸلٸگٸن تاراپتاردىڭ ماتەريالدىق جەنە وتباسىلىق جاعدايىنا بايلانىستى ايقىندايتىندىعى كٶرسەتٸلگەن.
