"قازاقستاندا مۇناي ٶندٸرۋ كٶلەمٸ 75,5 ملن تونناعا دەيٸن ازايتىلماق. بۇل تۋرالى بٷگٸن قر ەنەرگەتيكا ۆيتسە-مينيسترٸ ەسەت ماعاۋوۆ مەلٸم ەتتٸ", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ونىڭ سٶزٸنە قاراعاندا, ەلٸمٸزدەگٸ مۇناي كومپانييالارىنىڭ نەگٸزگٸ بٶلٸگٸ بىلتىرعى قارجىلىق جىلدى تەرٸس كٶرسەتكٸشتەرمەن اياقتاعان.
«بىلتىر 61 كومپانييانىڭ 36-سى قارجىلىق جىلدى تەرٸس كٶرسەتكٸشتەرمەن اياقتاعان», - دەدٸ ول.
ۆيتسە-مينيستردٸڭ سٶزٸ بويىنشا, 2015 جىلى بۇرعىلاۋ كٶلەمٸ 2,5 مىڭ مەتردەن, 1,5 مىڭ مەترگە دەيٸن قىسقارعان.
بولجام بويىنشا, بيىل جاڭا ۇڭعىمالاردى بۇرعىلاۋ كٶلەمٸ دە 50 پايىزعا تٶمەندەمەك.
«2014 جىلى بٸز 8,5 ملن. توننا ٶندٸرسەك, 2015 جىلى 79,5 ملن. توننا الدىق. بولجام بويىنشا, اعىمداعى جىلى 75,5 ملن توننا مۇناي ٶندٸرەمٸز. كٶرٸپ وتىرعانىمىزداي, مۇناي ٶندٸرۋ سالاسى تۇرالاپ بارادى. سەبەبٸ مۇناي ٶندٸرۋشٸلەر جاقسى باعامەن ٶنٸم ساتا الماۋدا, سوندىقتان جاڭا كٶلەم تٷگٸلٸ اعىمداعى دەڭگەيگە تاپسىرىس بەرە المايدى», - دەپ اتاپ ٶتتٸ ۆيتسە-مينيستر.
