"Qazaqstanda munai óndirý kólemi 75,5 mln tonnaǵa deiin azaitylmaq. Bul týraly búgin QR Energetika vitse-ministri Áset Maǵaýov málim etti", - dep habarlaidy Ult.kz tilshisi QazAqparat agenttigine silteme jasap.
Onyń sózine qaraǵanda, elimizdegi munai kompaniialarynyń negizgi bóligi byltyrǵy qarjylyq jyldy teris kórsetkishtermen aiaqtaǵan.
«Byltyr 61 kompaniianyń 36-sy qarjylyq jyldy teris kórsetkishtermen aiaqtaǵan», - dedi ol.
Vitse-ministrdiń sózi boiynsha, 2015 jyly burǵylaý kólemi 2,5 myń metrden, 1,5 myń metrge deiin qysqarǵan.
Boljam boiynsha, biyl jańa uńǵymalardy burǵylaý kólemi de 50 paiyzǵa tómendemek.
«2014 jyly biz 8,5 mln. tonna óndirsek, 2015 jyly 79,5 mln. tonna aldyq. Boljam boiynsha, aǵymdaǵy jyly 75,5 mln tonna munai óndiremiz. Kórip otyrǵanymyzdai, munai óndirý salasy turalap barady. Sebebi munai óndirýshiler jaqsy baǵamen ónim sata almaýda, sondyqtan jańa kólem túgili aǵymdaǵy deńgeige tapsyrys bere almaidy», - dep atap ótti vitse-ministr.
