2025 جىلعا قاراي پوليەتەلەنتەرەفتالات جەنە مەتانول ٶندٸرەتٸن زاۋىتتار ٸسكە قوسىلادى. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى "ۇلت اقپارات".
«Nur Otan» پارتيياسىنىڭ «ٶزگەرٸستەر جولى: ەر ازاماتقا لايىقتى ٶمٸر!» سايلاۋالدى باعدارلاماسى اياسىندا اتىراۋ, ورال جەنە شىمكەنت قالالارىندا مۇناي مەن گازدى تەرەڭ ٶڭدەيتٸن 5 زاۋىتتى ٸسكە قوسۋ ارقىلى ەكسپورتقا باعىتتالعان مۇناي-گاز حيمييا ٶنٸمدەرٸنٸڭ ٶندٸرٸسٸن 2019 جىلمەن سالىستىرعاندا 9 ەسەگە ۇلعايتۋ كٶزدەلگە», - دەدٸ ٶڭدەۋ ٶنەركەسٸبٸن دامىتۋ جايىندا بايانداعان مينيستر.
ونىڭ اتاپ ٶتۋٸنشە, بٷگٸنگٸ تاڭدا 3 زاۋىت سالىنۋدا.
«اتاپ ايتسام: اتىراۋ وبلىسىندا قۋاتى جىلىنا 500 مىڭ توننا پوليپروپيلەن ٶندٸرەتٸن زاۋىت جەنە قۋاتى 57 ملن تەكشە مەتر ازوت جەنە 34 ملن تەكشە مەتر قۇرعاق سىعىلعان اۋا ٶندٸرەتٸن زاۋىت, شىمكەنت مۇناي-حيمييا زاۋىتىنىڭ شيكٸزاتى نەگٸزٸندە قۋاتى جىلىنا 81 مىڭ توننا پوليپروپيلەن جەنە 57 مىڭ توننا بەنزينگە ارنالعان وكتان ارتتىرعىش قوسپا شىعاراتىن زاۋىت», - دەدٸ ول.
نۇرلان نوعاەۆتىڭ ايتۋىنشا, بۇدان باسقا, 2025 جىلعا قاراي 2 ەلەۋەتتٸ جوبانى ٸسكە اسىرۋ جوسپارلانعان. ولار: قۋاتى جىلىنا 430 مىڭ توننانى قۇرايتىن پوليەتەلەنتەرەفتالات ٶندٸرۋ زاۋىتى مەن جىلدىق قۋاتى 130 مىڭ توننا بولاتىن مەتانول ٶندٸرۋ زاۋىتى.
