بٷگٸن ٷكٸمەت وتىرىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆا ينكليۋزيۆتٸ بٸلٸم بەرۋ سالاسىن جاقسارتۋ جۇمىستارى جٶنٸندە باياندادى, دەپ حابارلايدى قازاقپارات تٸلشٸسٸ.
مينيستردٸڭ ايتۋىنشا, بٷگٸنگٸ كٷنٸ 147 مىڭنان استام بالا ەرەكشە بٸلٸم بەرۋ قاجەتتٸلٸكتەرٸنە تەۋەلدٸ. «بٸلٸم مەن عىلىمدى دامىتۋدىڭ 2016-2019 جىلدارعا ارنالعان مەملەكەتتٸك باعدارلاماسىنا سەيكەس 2019 جىلعا قاراي مەكتەپكە دەيٸنگٸ بٸلٸم بەرەتٸن ۇيىمداردىڭ 30%, ورتا بٸلٸم بەرەتٸن ۇيىمداردىڭ 70% سونداي-اق تەحنيكالىق جەنە كەسٸپتٸك بٸلٸم بەرەتٸن وقۋ ورىندارىنىڭ 40%-ٸندە ينكليۋزيۆتٸ بٸلٸم بەرۋ جاعدايلارىن جاساۋ جوسپارعا الىنعان», - دەپ اتاپ ٶتتٸ مينيستر ٷكٸمەت وتىرىسىندا.
ونىڭ ايتۋىنشا, بالاباقشالاردىڭ 15% جەنە مەكتەپتەردٸڭ 55%-دە ينكليۋزيۆتٸ بٸلٸم بەرۋ جاعدايلارى جاسالعان, ولاردا ەرەكشە بٸلٸم بەرۋدٸ قاجەت ەتەتٸن 40 مىڭنان استام بالا وقىپ, تەربيەلەنٸپ جاتىر.
«سونىمەن قاتار, ارنايى بايانداماشى كاتالينا دەۆانداس اگيلار جالپى بٸلٸم بەرەتٸن مەكتەپتەرگە بەكٸتٸلگەن 10 000 مٷگەدەك بالا ٸس جٷزٸندە ٷيدە وقيتىنىن جەنە مەكتەپكە مٷلدەم بارمايتىنىن اتاپ ٶتتٸ», - دەيدٸ مينيستر.
وسىعان بايلانىستى, مينيستر ەبٸلقاسىموۆا بٸلٸم جەنە عىلىم مينيسترلٸگٸنە ينكليۋزيۆتٸ بٸلٸم بەرۋدٸ دامىتۋ ماقساتىندا كادرلاردىڭ جەتٸسپەۋشٸلٸگٸ, جٷيەنٸ ەدٸستەمەلٸك قامتاماسىز ەتۋ, كەدەرگٸسٸز ورتا قۇرۋ شەڭبەرٸندە بٸلٸم بەرۋ ۇيىمدارىنىڭ ماتەريالدىق-تەحنيكالىق بازاسىن نىعايتۋ سيياقتى مەسەلەلەردٸ شەشۋ قاجەتتٸگٸن ەسكەرتتٸ.
