قازاقستاندا گەندەرلٸك جەنە وتباسىلىق ساياساتتى تيٸمدٸ ٸسكە اسىرۋ مەسەلەلەرٸ پىسىقتالادى. بۇل تۋرالى قر اقپارات جەنە قوعامدىق دامۋ مينيسترلٸگٸ جاستار جەنە وتباسى ٸستەرٸ كوميتەتٸنٸڭ تٶراعاسى شاحماردان بايمانوۆ ايتىپ بەردٸ, دەپ حابارلايدى قازاقپارات.
ونىڭ ايتۋىنشا, «قازاقستاندىق وتباسىلار-2020», «قر-داعى وتباسىلىق-تۇرمىستىق زورلىق-زومبىلىققا قارسى ٸس-قيمىل تۋرالى», «قر-داعى بالالاردىڭ جاعدايى تۋرالى» جەنە باسقا دا ەلەۋمەتتٸك, ساراپتامالىق زەرتتەۋلەردٸ, وتباسى ٶمٸرٸنە پاندەمييانىڭ ەسەرٸن ەسكەرٸپ, ستاتيستيكالىق جەنە تالدامالىق اقپاراتتى جاڭارتۋ كٶزدەلگەن.
«2030 جىلعا دەيٸنگٸ وتباسىلىق جەنە گەندەرلٸك ساياسات تۇجىرىمداماسى ەكٸ نەگٸزگٸ باعىتتى قامتيدى. وتباسى ساياساتى بويىنشا نەگٸزگٸ باسىمدىقتار: وتباسى قۇندىلىقتارى مەن دەستٷرلەرٸن, ۇرپاقتار ساباقتاستىعىنىڭ ساقتالۋىن بالاباقشالار مەن مەكتەپتەردە وتباسىلىق تەربيە بويىنشا وقىتۋ باعدارلامالارى ارقىلى ناسيحاتتاۋ جۇمىستارى كٷشەيتٸلەدٸ; وتباسىن قولداۋ, وتباسى داۋلارىن شەشۋ مەن بالالى ەيەلدەرگە ۋاقىتشا تۇراتىن ورتالىقتاردى قۇرۋعا جوسپارلانعان. ورتالىقتار قىزمەتٸنٸڭ ەرەجەسٸ, مەملەكەتتٸك ورگانداردىڭ ٶزارا ٸس-قيمىل الگوريتمٸ ەزٸرلەنەدٸ. قازاقستانداعى وتباسىلاردىڭ جاعدايىنا جان-جاقتى زەرتتەۋ جٷرگٸزۋ ماقساتىندا وتباسىلىق ساياسات پروبلەمالارىن زەردەلەۋ جالعاسادى», - دەدٸ ش. بايمانوۆ اقپارات جەنە قوعامدىق دامۋ سالاسىنداعى قوعامدىق كەڭەس وتىرىسىندا.
سونىمەن بٸرگە مەملەكەت باسشىسى ٶز جولداۋىندا قوعامدا ەيەلدەردٸ ەكونوميكالىق جەنە ساياسي قولداۋدى قامتاماسىز ەتۋگە نازار اۋدارعان ەدٸ. وسىعان بايلانىستى گەندەرلٸك ساياسات سالاسى بويىنشا كەلەسٸ باسىم باعىتتاردى ايقىنداۋ جوسپارلانۋدا.
«بٸرٸنشٸدەن, مەملەكەت قاتىساتىن كومپانييالاردىڭ باسشى ورگاندارىنداعى ەيەلدەر ٷلەسٸن 30%-عا دەيٸن ارتتىرۋ مەسەلەسٸ قوسىمشا پىسىقتالادى. ەكٸنشٸدەن, گەندەرلٸك بيۋدجەتتەۋدٸ ەنگٸزۋ جۇمىستارى جالعاسادى. ٷشٸنشٸدەن, بۇۇ ەيەلدەرگە قاتىستى كەمسٸتۋشٸلٸكتٸ جويۋ كوميتەتٸنٸڭ ەيەلدەرگە قاتىستى كەمسٸتۋشٸلٸكتٸڭ بارلىق نىساندارىن جويۋ تۋرالى كونۆەنتسييانى ورىنداۋ جٶنٸندەگٸ قازاقستاننىڭ بەسٸنشٸ مەرزٸمدٸ بايانداماسى بويىنشا ۇسىنىستارى ەسكەرٸلەدٸ. تٶرتٸنشٸدەن, تۇجىرىمدامانىڭ ماقساتتارى مەن ينديكاتورلارىن 2030 جىلعا دەيٸنگٸ ورنىقتى دامۋ سالاسىنداعى ماقساتتارمەن جەنە كٷن تەرتٸبٸنٸڭ ينديكاتورلارىمەن ٷيلەستٸرۋ ۇسىنىلادى», - دەدٸ ش. بايمانوۆ.
بەسٸنشٸدەن, گەندەرلٸك جەنە وتباسىلىق ساياساتتى تيٸمدٸ ٸسكە اسىرۋ ٷشٸن بيۋدجەتتٸڭ تۇراقتى بٶلٸنۋٸن جەنە ۇلتتىق, ٶڭٸرلٸك, جەرگٸلٸكتٸ جەنە سالالىق دەڭگەيلەردە گەندەرلٸك مەسەلەلەر بويىنشا قۇزىرەتتٸ ماماندار مەن زاڭگەرلەر دايارلاۋدى كٶزدەلمەك. التىنشىدان, ٶڭٸرلەر, قالالار جەنە اۋداندار بٶلٸنٸسٸندە جۇمىسپەن قامتۋ, بازالىق ەلەۋمەتتٸك كٶرسەتٸلەتٸن قىزمەتتەرگە, مەملەكەتتٸك قولداۋدىڭ تٷرلٸ شارالارىنا قول جەتكٸزۋ بٶلٸگٸندە گەندەرلٸك مۇقتاجدىقتار مەن قاجەتتٸلٸكتەر كارتاسىن ەزٸرلەۋ جوسپارلانعان.
«تۇجىرىمدامانى ٶزەكتەندٸرۋدٸڭ نەگٸزگٸ ماقساتى قازٸرگٸ قوعامداعى ٶزەكتٸ مەسەلەردٸ ەسكەرٸپ, وتباسى ينستيتۋتىن نىعايتۋعا, وتباسى قۇندىلىقتارىن دەرٸپتەۋگە, اجىراسۋ مەن وتباسىلىق-تۇرمىستىق سالاداعى قۇقىقبۇزۋشىلىقتاردى ازايتۋعا, كٶپبالالى وتباسىلاردىڭ پروبلەمالىق مەسەلەلەرٸن جٷيەلٸ شەشۋگە جەنە ەيەلدەردٸڭ قوعامداعى ەكونوميكالىق جەنە ساياسي ۇستانىمدارىن كەڭەيتۋگە باعىتتالادى. قازٸرگٸ تاڭدا تۇجىرىمدامانى ٶزەكتەندٸرۋ بويىنشا جۇمىس توبى قۇرىلىپ جاتىر. جۇمىس توبى قۇرامىنا پارلامەنت دەپۋتاتتارى, قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا مٷشەلەرٸ, ساراپشىلار, ٷكٸمەتتٸك ەمەس, حالىقارالىق ۇيىمداردىڭ جەنە مٷددەلٸ مەملەكەتتٸك ورگانداردىڭ ٶكٸلدەرٸ كٸردٸ. سونىمەن قاتار, حالىقارالىق ۇيىمدار دا, ونىڭ ٸشٸندە «بۇۇ-ەيەلدەر» قۇرىلىمى, يۋنيسەف, يۋنفپا گەندەرلٸك ساياسات باعىتى بويىنشا ۇسىنىستارىن بٸلدٸردٸ», - دەپ تٷسٸندەدٸ ش. بايمانوۆ.
