قر مەدەنيەت جەنە سپورت ۆيتسە-مينيسترٸ سەرٸك جاراسباەۆ قازاقستاندا مەنەرلەپ سىرعاناۋ سپورتى قالاي دامىپ جاتقانىن ايتتى, دەپ حابارلايدى قازاقپارات.
«قازاقستان قۇراماسى مەنەرلەپ سىرعاناۋدان ابىرويلى بولعان ەدٸ. ەلٸمٸزدٸ كٷللٸ ەلەمگە تانىتقان دەنيس تەن ارامىزدا جوق, ەليزابەت تۇرسىنباەۆا دا كەسٸبي مانسابىن اياقتادى. جالپى مەنەرلەپ سىرعاناۋ سپورتىن ناسيحاتتاۋ جەنە دامىتۋ ٸسٸنەن مەملەكەت شەت قالعان سىڭايلى. بۇعان نە سەبەپ? مەنەرلەپ سىرعاناۋ سپورتىن دامىتۋعا نە كەدەرگٸ?», - دەپ سۇراق قويدى جۋرناليست ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
«مەنەرلەپ سىرعاناۋدان دەنيس تەن سوچيدەگٸ وليمپيادادان جٷلدە ەكەلگەننەن كەيٸن, بٸزدە بۇل سپورت قارقىندى دامۋ ٷستٸندە. قازٸر دە توقتاپ قالدى دەپ ايتۋعا بولمايدى. نەگە دەسەڭٸز, دەنيستٸڭ جولىن ەليزابەت تۇرسىنباەۆا, ايزا مامبەكوۆا سەكٸلدٸ سپورتشىلارىمىز جالعاستىرىپ كەلەدٸ. قازٸر ەليزابەت تە ٶز مانسابىن توقتاتتى, بٸراق ارتىندا ٸزباسارلارى بار. ولاردى دايىنداۋعا مٷمكٸندٸك بار دەپ ەسەپتەۋگە بولادى. قىسقى سپارتاكيادا ويىندارىندا كٶپتەگەن ٶڭٸرلەردەن سپورتشىلارىمىز قاتىسىپ, نەتيجە كٶرسەتكەن بولاتىن. تەك الماتى مەن نۇر-سۇلتاننان ەمەس, قىزىلوردا مەن ماڭعىستاۋدان دا جاس سپورتشىلار كٶرٸنگەن ەدٸ. ەندٸ وليمپيادا ٶتە ٷلكەن دەڭگەي بولعاندىقتان, سپورتشىلارىمىز بٸراز ۋاقىتتان كەيٸن دايىن بولادى دەگەن سەنٸمدەمٸن. ٷكٸمەت ٶز تاراپىنان سول سپورت تٷرٸنە بار كٷشٸن سالىپ جاتىر, جاڭا نىساندار ٸسكە قوسىلدى, قىسقى مۇز ايدىندارى اشىلىپ جاتىر. وڭتٷستٸك ايماقتاردا دا بۇل جۇمىس جالعاسۋدا», - دەدٸ جاراسباەۆ.
ايتا كەتەيٸك, XXIV قىسقى وليمپيادا ويىندارى قىتايدىڭ بەيجٸڭ قالاسىندا, 2022 جىلدىڭ 4 مەن 20 اقپان ارالىعىندا ٶتەدٸ. وندا جالپى سانى 109 مەدال ساراپقا سالىنادى. جارىستار بەيجٸڭ قالاسىنان بٶلەك قاسىنداعى يانتسين جەنە چجيانتسزياكوۋ قالالارىندا دا ٶتەدٸ.
