قازاقستاندا قىزىلشاعا شالدىققان ەرەسەكتەردٸڭ 55 پايىزدان استامىن 20-29 جاس ارالىعىنداعى ازاماتتار قۇرايدى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا ايتتى, دەپ حابارلايدى "ۇلت اقپارات".
«2020 جىلدىڭ بەس ايىندا 2019 جىلدىڭ وسىنداي كەزەڭٸمەن سالىستىرعاندا قىزىلشامەن سىرقاتتانۋشىلىقتىڭ 2,8 ەسە تٶمەندەۋٸنە قول جەتكٸزٸلدٸ. بۇل ماقساتتا 9-10 ايلىق بالالارعا قوسىمشا ۆاكتسيناتسييا جٷرگٸزٸلدٸ. 260 مىڭنان استام بالا ەگٸلدٸ. بۇل, وسى جاس توبىنداعى سىرقاتتانۋشىلىقتى 2,5 ەسە تٶمەندەتۋگە مٷمكٸندٸك بەردٸ. بۇدان باسقا, اۋىرعان ەرەسەكتەر اراسىندا 55 پايىزدان استامى 20-29 جاس ارالىعىنداعى توپ ەكەنٸن ەسكەرە وتىرىپ, وسى جاس توبىنا قىزىلشاعا قارسى قوسىمشا ۆاكتسيناتسييا جٷرگٸزٸلدٸ, 1 759 459 ادام ەگٸلدٸ», - دەدٸ لەززاتاقتاەۆا.
ونىڭ اتاپ ٶتۋٸنشە, ەلٸمٸزدە مەنينگيتكە شالدىعۋ ازايدى.
«قازاقستان رەسپۋبليكاسىندا مەنينگوكوكك ينفەكتسيياسىمەن سىرقاتتانۋشىلىقتىڭ ورتاشا كٶپ جىلدىق دەڭگەيٸنٸڭ كٶرسەتكٸشٸ 100 مىڭ تۇرعىنعا شاققاندا 2,1-دٸ قۇرايدى. بۇل رەتتە, قازٸرگٸ ۋاقىتتا قازاقستاندا سىرقاتتانۋشىلىق دەڭگەيٸ 100 مىڭ تۇرعىنعا شاققاندا 0,15-تٸ قۇراپ وتىر. بۇل شەكتٸ دەڭگەيدەن 14 ەسە تٶمەن. جىلدىڭ ٶتكەن كەزەڭٸندە سىرقاتتانۋشىلىق ٶتكەن جىلدىڭ وسىنداي كەزەڭٸمەن سالىستىرعاندا سول دەڭگەيدە ساقتالىپ وتىر. سونىمەن بٸرگە شىمكەنت قالاسىندا اۋرۋ سانىنىڭ 2-دەن 6 جاعدايعا دەيٸن ۇلعايعانى بايقالادى», - دەدٸ ول.
