قازاقستاندا كٷزگٸ ەسكەرگە شاقىرۋ ناۋقانى باستالادى, دەپ حابارلايدى "ۇلت اقپارات" قورعانىس مينيسترلٸگٸنە سٸلتەمە جاساپ.
اپتا باسىندا ٶتكەن اپپاراتتىق كەڭەستە قورعانىس ۆەدومستۆوسىنىڭ باسشىسى, گەنەرال-لەيتەنانت نۇرلان ەرمەكباەۆ مينيسترلٸكتەگٸ كادرلىق ٶزگەرٸستەر تۋرالى حابارلاپ, قر قورعانىس مينيسترلٸگٸ قارۋ-جاراقتى باقىلاۋ جەنە ينسپەكتسييالاردى قامتاماسىز ەتۋ ورتالىعىنىڭ باستىعى بولىپ تاعايىندالعان پولكوۆنيك ەدٸل بەكوۆتى تانىستىردى.
وسىعان دەيٸن اۋماقتىق قورعانىس دەپارتامەنتٸ باستىعىنىڭ مٸندەتٸن اتقارعان پولكوۆنيك ريزات قولپاشەۆ جەنە رحب قورعانىس جەنە ەكولوگييالىق قاۋٸپسٸزدٸك دەپارتامەنتٸ باستىعىنىڭ لاۋازىمىن اتقارعان پودپولكوۆنيك ەرجان قۇلماعامبەتوۆ وسى قىزمەتتەرگە بەكٸتٸلدٸ.
كەڭەس بارىسىندا قر پرەزيدەنتٸ – قر قارۋلى كٷشتەرٸنٸڭ جوعارعى باس قولباسشىسى تاپسىرمالارىن ورىنداۋ ماقساتىندا سىبايلاس جەمقورلىققا قارسى كٷرەس مەسەلەلەرٸ قارالدى.
«سىبايلاس جەمقورلىققا بايلانىستى قۇقىق بۇزۋشىلىقتارعا جول بەرمەۋ اياسىندا بارلىق تەرتٸپ بۇزۋشىلاردىڭ تٸكەلەي باسشىلارى ەسكەري اتاقتارى مەن بۇرىنعى ەڭبەكتەرٸنە قاراماستان جاۋاپقا تارتىلادى. حالىقتىڭ ەسكەرگە دەگەن سەنٸمٸ مەن ەلدٸ قورعاۋعا دەگەن ريياسىز قابٸلەتٸنە نۇقسان كەلتٸرمەۋ ٷشٸن قارۋلى كٷشتەر قاتارى زاڭبۇزۋشىلىقتان تازا بولۋى كەرەك», - دەدٸ نۇرلان ەرمەكباەۆ.
قازٸرگٸ تاڭدا قارۋلى كٷشتەردە سىبايلاس جەمقورلىق قۇقىق بۇزۋشىلىقتار بويىنشا ستاتيستيكانىڭ ٶسۋٸ بايقالادى. بۇل وسى سالاداعى قىلمىستىڭ ٶسۋٸنە عانا بايلانىستى ەمەس, سونداي-اق, انىقتاۋ پروتسەسٸنە بايلانىستى كٶزقاراستىڭ ٶزگەرۋٸنە قاتىستى بولىپ وتىر.
اقپان ايىندا قول قويىلعان مەموراندۋم نەگٸزٸندە ۋەكٸلەتتٸ ورگانمەن اقپارات الماسۋ جٷزەگە اسىرىلادى. جاڭا تەسٸلدەردٸ قولدانا وتىرىپ, الدىن الۋ شارالارىن قابىلداپ, وسى باعىتتاعى تالدامالىق جۇمىستى كٷشەيتۋگە باسا نازار اۋدارىلادى.
اپپاراتتىق كەڭەس بارىسىندا ەسكەر تٷرلەرٸنٸڭ باس قولباسشىلارى, ەسكەر تەكتەرٸ مەن ٶڭٸرلٸك قولباسشىلىقتاردىڭ قولباسشىلارى قر قارۋلى كٷشتەرٸنٸڭ جاۋىنگەرلٸك ەزٸرلٸگٸنٸڭ جاي-كٷيٸ تۋرالى جەدەل اقپارات بەردٸ.
سونداي-اق, قارۋلى كٷشتەردە قىركٷيەك-جەلتوقسان ايلارى ارالىعىندا ازاماتتاردى كٷزگٸ مەرزٸمدٸ ەسكەري قىزمەتكە شاقىرۋ جۇمىستارىن جٷرگٸزۋ جوسپارلانۋدا.
ەسكەر قاتارىنا جاڭادان قابىلدانعاندارمەن جۇمىس ٸستەيتٸن لاۋازىمدى ادامداردان تۇراتىن ەكٸمشٸلٸك بٶلٸمشەلەردەگٸ وقۋ پروتسەسٸن جوعارى دەڭگەيدە قامتاماسىز ەتۋ ٷشٸن قابٸلەتتٸ, دايارلانعان وفيتسەرلەر مەن كەلٸسٸمشارت بويىنشا سەرجانتتار تاعايىندالۋى تيٸس.
ازاماتتاردى مەرزٸمدٸ قىزمەتكە شاقىرۋ جٶنٸندەگٸ بارلىق ٸس-شارالار سانيتارلىق-ەپيدەميولوگييالىق جاعدايدى ەسكەرە وتىرىپ ۇيىمداستىرىلماق.
مينيستر جاس بۋىندى شاقىرۋ باستالعانعا دەيٸن كازارمالىق-تۇرعىن ٷي قورىن, مونشا, كٸر جۋۋ كومبيناتتارىن, اسحانالار مەن وقۋ-ماتەريالدىق بازانى قالىپقا كەلتٸرۋدٸ تاپسىردى.
ەسكەري قالاشىقتارعا جاعداي جاساۋ, ەسكەري قىزمەتشٸلەردٸڭ ٶمٸرٸ مەن تۇرمىسىن ۇيىمداستىرۋ, كازارمالىق قوردى جٶندەۋ سىندى ەلەۋمەتتٸك مەسەلەلەردٸ شەشۋ قورعانىس مينيسترٸنٸڭ ەرەكشە باقىلاۋىندا.
وسىعان بايلانىستى قورعانىس ۆەدومستۆوسىنىڭ باسشىسى قاراعاندى قالاسىنىڭ ەسكەري بٶلٸمدەرٸنٸڭ بٸرٸندە ساربازدار اسحاناسىن جٶندەۋ مەرزٸمٸن ساقتاماعانى ٷشٸن ەسكەرلەردٸ پەتەرلەرگە ورنالاستىرۋ باس باسقارماسىنىڭ باستىعىن قاتاڭ سىنعا الدى. مەسەلە قىزمەت كٶرسەتۋدٸڭ سۋبەكتٸسٸمەن شارتتى بۇزۋ پروتسەسٸندە بولىپ وتىر. نۇرلان ەرمەكباەۆ اسحانانى جٶندەۋ مەسەلەسٸن قىسقا مەرزٸمدە شەشۋدٸ تالاپ ەتتٸ.
ٶتكەن اپتادا قارۋلى كٷشتەر قاتارىن كەسٸبي كادرلارمەن تولىقتىرۋ مەسەلەسٸن جالعاستىرۋ ٷشٸن قازاقستان رەسپۋبليكاسى مەن رەسەي فەدەراتسيياسى ەسكەري وقۋ ورىندارىنا ٸرٸكتەۋ جٷرگٸزٸلدٸ.
بۇقارالىق اقپارات قۇرالدارىندا اقتٶبە قالاسىنىڭ ەۋەجايى ماڭىنداعى اۋدان تۇرعىندارىنان تٸكۇشاقتاردىڭ ەلدٸ مەكەندەرگە جاقىن جەردەن ۇشاتىندىعى تۋرالى شاعىمى جارييالاندى.
ماماندار جٷرگٸزگەن تالداۋ بويىنشا باعىتتار زاڭناما تالاپتارىنا سەيكەس ەزٸرلەنگەنٸن جەنە ەۋەجاي جانىندا قالاتىنىن, سونىمەن قاتار, ٶزگەرتٸلمەيتٸندٸگٸن كٶرسەتتٸ. شەكتٸ بيٸكتٸكتەردە ۇشۋلاردى ورىنداۋ قالادان 70-80 كيلومەتر قاشىقتىقتا ورنالاسقان ايماقتاردا جٷزەگە اسىرىلادى.
ايتا كەتۋ كەرەك, وندا ەلدٸ مەكەندەر جوق, قۇرىلىستار ازاماتتىق اۆياتسييا كوميتەتٸنٸڭ رۇقساتىنسىز جەنە كەلٸسٸمٸنسٸز سالىنعان.
