سۋرەت: freepik.com
اۋىل شارۋاشىلىعى مينيسترلٸگٸ قازاقستاندا قۇرعاقشىلىققا بايلانىستى كٷرٸش تاپشىلىعى بولا ما دەگەن سۇراققا جاۋاپ بەردٸ, - دەپ حابارلايدى Tengrinews.kz.
"شىنىندا, بيىل قاتتى قۇرعاقشىلىق بولدى, بٸراق بارلىق ايماقتا ەمەس. قىزىلوردا وبلىسى ەكٸمدٸگٸ مەلٸمەتٸنشە, ٶڭٸردە قۇرعاقشىلىقتان كٷرٸش داقىلدارى زارداپ شەكپەگەن. جىل سايىنعى دەڭگەيدە قاناعاتتانارلىق ٶنٸم كٷتٸلٸپ جاتىر. بٸز جارتىسىن تۇتىنىپ, قالعانىن ەكسپورتتايمىز. سوندىقتان قۇرعاقشىلىقتان كٷرٸشسٸز قالامىز دەگەن قاۋٸپ جوق", - دەدٸ وكق بريفينگٸندە اۋىل شارۋاشىلىعى مينيسترلٸگٸنٸڭ ينۆەستيتسييالىق ساياسات دەپارتامەنتٸ ديرەكتورىنىڭ ورىنباسارى شايمەردەن احمەتوۆ.
شەنەۋنٸكتٸڭ ايتۋىنشا, قازاقستاندا ايتارلىقتاي ەكسپورتتىق ەلەۋەت بار. وتاندىق اۋىلشارۋاشىلىق ٶنٸمدەرٸن رەسەي مەن ٷندٸستانداعى ەكسپورت جابىلعاندىقتان, جاڭا نارىقتارعا جٸبەرۋگە بولادى.
"بٸراق بەرٸ بٸزدٸڭ ٶندٸرۋشٸلەردٸڭ شەشٸمٸنە بايلانىستى. باعانىڭ قانداي بولاتىنىنا, جاڭا نارىقتا نەمەسە بۇرىن ەكسپورتتاعان ەسكٸ نارىقتا, قايسى تيٸمدٸرەك ەكەنٸنە بايلانىستى شەشٸم قابىلدايدى", - دەپ قوستى احمەتوۆ.
