قازاقستاندا قۇراستىرىلعان سۇرانىسى جوعارى كٶلٸكتەر تٸزٸمٸ جارييالاندى

2020 جىلدىڭ ٸ جارتىجىلدىعىندا قازاقستاندا 235,4 ملرد تەڭگەگە 32 مىڭنان استام اۆتوكٶلٸك شىعارىلدى, دەپ حابارلايدى "ۇلت اقپارات".

«قازاۆتوٶنەركەسٸپ» قازاقستاننىڭ اۆتوموبيل سالاسى كەسٸپورىندارى وداعىنىڭ مەلٸمەتٸنشە, 6 ايدىڭ ٸشٸندە ەلٸمٸزدە جەڭٸل, جٷك كٶلٸكتەرٸن, اۆتوبۋستاردى, ارنايى ماشينالار مەن تٸركەمەلەردٸ قوسا العاندا جالپى قۇنى 235,4 ملرد تەڭگە بولاتىن 32 059 اۆتوكٶلٸك قۇراستىرىلعان. ناقتى مەندە شىعارىلعان كٶلٸك تٷرلەرٸنٸڭ كٶلەمٸ ٶتكەن جىلعى كٶرسەتكٸشتەن 55,6 پايىزعا جوعارى بولىپ وتىر. 

ەسەپتٸ كەزەڭدە ەلٸمٸزدە 27 867 جەڭٸل كٶلٸك قۇراستىرىلىپ, ٶسٸم 48,6 پايىزعا جەتتٸ. 713 اۆتوبۋس قۇراستىرىلدى. جٷك كٶلٸگٸن قۇراستىرۋ 3,5 ەسەگە ارتىپ, 2 974-كە جەتتٸ. 131 ارنايى تەحنيكا مەن 374 تٸركەمە شىعارىلدى. 

رەسپۋبليكا تۇرعىندارى جەرگٸلٸكتٸ ٶندٸرٸستەن شىققان كٶلٸكتەردٸ ساتىپ الۋعا 183,8 ملرد تەڭگە جۇمسادى. بۇل بٸر جىل بۇرىنعى كٶرسەتكٸشتەن 51,4 پايىزعا جوعارى. جىل باسىنان بەرٸ ەلٸمٸزدٸڭ كەسٸپورىندارىندا قۇراستىرىلعان كٶلٸكتەردٸڭ ٸشٸندە Lada (7 922), Hyundai (6792), Ravon (3395), KIA (3080) جەنە Chevrolet (596) ماركالارىنا سۇرانىس جوعارى. بۇل قاتارعا JAC (332), UAZ (242) جەنە Skoda (202) كٶلٸكتەرٸ دە كٸرٸپ وتىر.

2020 جىلدىڭ قاڭتار-ماۋسىمىندا 4 775 اۆتوموبيلدٸ جەڭٸلدەتٸلگەن اۆتونەسيە مەملەكەتتٸك باعدارلاماسىنا قاتىسۋشىلار ساتىپ العان.